ОХУ-ын Үндсэн хуульд нэмэлт, өөрчлөлт оруулах төслийг баталлаа

256

ОХУ-ын парламентын доод танхим буюу Төрийн Дум тус улсын Үндсэн хуульд нэмэлт, өөрчлөлт оруулах тухай хуулийн төслийг гурав дахь удаагаа хэлэлцэж, эцэслэн баталлаа. Уг төсөлд Ерөнхийлөгчийн бүрэн эрхийн хугацаа хоёроос илүүгүй байхаар заасан боловч нэмэлт өөрчлөлт хүчин төгөлдөр болсны дараа одоогийн төрийн тэргүүн ерөнхийлөгчийн сонгуульд дахин нэр дэвших боломжтой болох юм. Хуулийн төслийг 383 депутат дэмжсэн бол нэг ч депутат эсэргүүцээгүй бөгөөд 43 нь санал өгөхөөс түдгэлзжээ.

Энд тусгагдсан саналууд нь Үндсэн хуулийн тогтолцоо болон хүний ба иргэний эрх, эрх чөлөөг бэхжүүлэхэд чиглэгдсэн байна. Мөн уг хуулийн төсөлд шинэ журам буюу Бүх Оросын санал өгөх журмыг нэвтрүүлжээ. Түүнчлэн дээд албан тушаалтнуудын эрх үүрэгт хязгаарлалт тогтоох, парламентын эрх мэдлийг өргөжүүлэх, мөн олон улсын гэрээ хэлэлцэл хийхдээ үндэсний эрх ашгийг тэргүүлэх чиглэл болгох талаар тусгажээ. Мөн Бурханы талаарх болон орос хэлийг төрийг бий болгож буй ард түмний хэл болгох тухай заалт нэмж оруулсан байна. Уг баримт бичгийг одоо парламентын дээд танхим буюу Холбооны Зөвлөл батлах ёстой юм.

Д.Жаргал

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.