Дорнод аймаг: Сонгуулийн чимээ

470

2020 оны УИХ-ын сонгуульд Дорнод аймагт нэр дэвших магадлалтай олон хүний нэр яригдаж байгаагаас одоогоор нэр дэвших хамгийн өндөр магадлалтай гэж хэлж болохуйц хүмүүс бол МАН-аас УИХ-ын гишүүн Х.Болорчулуун, хошууч генерал Ц.Сэргэлэн тэргүүтэй хүмүүс байна.

УИХ-ын гишүүн Х.Болорчулууны ЖДҮДС-аас зээл авсан асуудлаар иргэд эсрэг тэсрэг байр суурьтай байгаа. Нэг хэсэг нь шударга улс төрчдийн нэг гэж үзэж байхад, нөгөө хэсэг нь Ерөнхий сайд ЖДҮХС-гаас зээл авсан гишүүдийг дахин нэр дэвшүүлэхгүй гэсэн учир Х.Болорчулуун нэр дэвшихгүй байж магадгүй гэлцэж байгаа аж. Хошууч генерал Ц.Сэргэлэнгийн хувьд ХХЕГ-ын даргаар ажиллаж байсан бөгөөд салбартаа нэр хүндтэй нэгэн билээ.    

АН-аас 100 саяын дэнчин төлсөн гэх олон хүний нэрс шуугиан тариад амжсан. УИХ-ын гишүүн асан П.Алтангэрэл дахин нэр дэвшинэ гэдгээ мэдэгджээ. АПУ ХК-ийн гүйцэтгэх захирал П.Батчимэгийн нэр ч Дорнодод дуулдаж байна.

Мөн тус аймагт бие даан нэр дэвшихээр эрчимтэй яригдаж байгаа нэг хүн бол “Микроны жолоочийн хүү” гэх тодотголтой Г.Мөнх-Од юм. Түүний хувьд УИХ-ын Тамгын газар ажилладаг бөгөөд өмнө нь ИНЕГ-ын Тамгын газрын даргаар ажиллаж байсан. Одоо 33 настай. Мөн түүнийг УИХ-ын гишүүн Х.Болорчулууны туслах байсан гэх яриа байна. Түүнийг энэ сонгуульд том намуудын нэр дэвшигчидтэй хүчтэй өрсөлдөх хүнээр нэрлэж болохоор байна.

Сонирхуулахад, Ерөнхийлөгч асан Ц.Элбэгдорж  Дорнод аймагт өрсөлдөн, өвдөг шороодож байсан бол 1996 онд Санжаасүрэнгийн Зориг Дорнод аймагт УИХ-ын сонгуульд ялалт байгуулж байсан бөгөөд тухайн үедээ тэрээр 33 настай байжээ.

 http://www.shuud.mn/a/518447

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>