ОЛОН ТӨРЛИЙН АРХИ УУХ ТЭМЦЭЭНД ТҮРҮҮЛСЭН ИРГЭН ХОРДОЖ НАС БАРЖЭЭ
Олон төрлийн архи согтуруулах ундааг их хэмжээгээр уух тэмцээнд түрүүлсэн иргэн нас барсан харамсалтай хэрэг гарчээ. Тодруулбал өнгөрөгч аравдугаар сард Чингэлтэй дүүргийн нутаг дэвсгэрт үйл ажиллагаагаа эхлүүлсэн нэгэн баарны нээлтийн үйл ажиллагааны үеэр оролцогчдын дунд олон төрлийн архи, согтууруулах ундааг хольж уух, уусан тоогоор мөнгө, валют хожих болзолтой тэмцээн зохион байгуулжээ. Улмаар оролцогчид олон төрлийн найрлага бүхий согтууруулах ундааг нэг дор, их хэмжээгээр, богино хугацаанд, хольж хэрэглэх болзлыг тулгаж, хүний эрүүл мэнд, амь насанд хохирол учруулсан хэрэгт холбогдсон байна. Тухайлбал, нэр бүхий найман төрлийн согтууруулах ундааг нэг дор угсруулан их хэмжээгээр уулгаснаас 39 настай иргэн спиртийн агууламжийн хурц хордлогын улмаас нас барсан байна.
