Улаанбаатар  их дэлгүүрийн ойролцоо байдаг нэлээн сайн сургуулиудын тоонд багтдаг энэ сургууль  сургууль 14 хоногийн өмнө эцэг эхийн нэгдсэн  хурал хийж уг  хурлаараа  "Сургуулийнхаа гал тогоог тохижуулна” гэж тогтсон бөгөөд сурагч бүрээс 40 мянган төгрөг  хураах шийдвэр гаргажээ.

Ингэхдээ хоёр хүүхэд нь явдаг бол 30.000, 3 хүүхэд явдаг бол 20.000 төгрөгийг хүүхэд тус бүрээс нь авах юм гэнэ. 

Эх сурвалжийн хэлж буйгаар тэдний 2 хүүхэд  тэр  сургуульд явдаг бөгөөд

• Гал тогоо тохижуулахад 60.000
• Зугаалганд – 90.000
• Анги угаалгах мөнгөнд 12.000 нийтдээ 162.000 төгрөг  сургуульд өгөх болчхоод байгаа  гэнэ. Уг нь сургуулийнхаа групп чат дээр зараа тавьсан байсан ч 

тодорхой хугацааны дараа устгачихсан гэнэ.  Мөн сургуулиас нь хичээллүүлж байгаа секц дугуйланд хамрагдах багадаа  30.000-40.000 мянган төгрөг гэнэ.

Уг нь сайн цагт буюу дээхэн үед  мэргэжлийн багш нар чиглэл чиглэлээрээ секц, дугуйлан, давтлага хичээллүүлж тэр хэрээр нь багшийн илүү цагийн мөнгийг бодож олгодог байж билээ. 

Товчхондоо бол  энэ үйлдлээс сургуулийн удирдлагууд нь сурагчдаа мөнгө гэж хардаг болоод удаж байна. Тодруулбал зугаалганы мөнгө гэхэд сургуулийн багш захирал, сургалтын менежер  гэх зэрэг өндөр албан тушаалтнуудын хамаарал бүхий нөхдийн том автобустай  жолочийн халаасанд ордог бөгөөд жуучлагчид нь ч тодрхой хувь авдаг нь ч өнөөдөр нууц биш болсноос харж болно.