“Алсад суугаа ээж” дуу дэлхийн 70 гаруй орны хэлээр дуулагджээ
Гавьяат жүжигчин С.Жавхлангийн дуулснаар олны хүртээл болсон "Алсад суугаа ээж” дуу одоогоор 70 гаруй орны хэлээр дуулагджээ. Ая зохиогч А.Төгсжаргал дөнгөж хөгжим оролдож эхэлж байх үедээ буюу 9-р ангийн сурагч байхдаа уг дууг зохиосон байна. Харин шүлгийг математикийн багш П.Лхагвасүрэн бичиж түүнд өгчээ. 1994 онд зохиогдсон уг дууг сургуулийн сурагчид ам дамжин дуулсаар 2001 онд гавьяат жүжигчин С.Жавхлан дуулж олны сонорт хүргэсэн байна. Хөгжмийн зохиолч А.Төгсжаргал одоогоор хүүхдийн болон зохиолын 50 гаруй уран бүтээл туурвисан байна.
