Х.Баттулга нарын нэр холбогдсон хэрэг прокурорт шилжжээ
Авлигатай тэмцэх газраас шинэ төмөр зам барихтай холбоотой хэргийг шалгаад Нийслэлийн прокурорт шилжүүлжээ. Уг хэрэгт УИХ-ын гишүүн асан Х.Баттулга болон түүний зөвлөх А.Гансүх, Б.Батзаяа, "Либерти партнерс” компанийг үүсгэн байгуулагч Ч.Ганбат, Солонгосын "Самсунг Си Ти” компанийн захирлыг жил гаруй хугацаанд шалгаж байгаа юм. Тэднийг албан тушаалаа урвуулан ашиглаж их хэмжээний мөнгө угаасан бөгөөд нэг ч километр төмөр зам тавиагүй гэсэн үндэслэлээр шалгаж байгаа. Энэ хугацаанд Б.Батзаяа батлан даалтад гарсан бол Ч.Ганбат оргон зайлж АНУ-д орогнол хүссэн тул тусгаарлан шалгахаар болж түдгэлзүүлээд байгаа юм.
"Шинэ төмөр замын хэрэгт 8-9 хүнийг сэжигтнээр холбогдуулан шалгаж байгаа бөгөөд тэдний дунд БНСУ-ын гурван иргэн байгаа” гэж Улсын ерөнхий прокурорын газраас тайлбар өгч байсан билээ.
