Залуу хүн улстөрд орж улс орныхоо хөгжилд нэмэр болох гэж зорьж байгаа нь зөв ч Өнгөрсөн УИХ-ын сонгуульд МАН-аар овоглосон хэнбугай ч нэр тодроод гарч ирэх магадлалтай агшинд тодорсон азтай залуу. Гэхдээ УИХ-ыг гишүүн Д.Гантулга хийх ёстой ажлаа умартан, Монголын морин спорт Залуу уяачдын холбоо гээчийг байгуулан данайж, аймаг орон нутгаар хэсэж, адууны бизнес, лекц уншаад яв хэмээн Хан Хэнтийчүүд сонгоогүй нь лавтай байх.

Залуу улстөрч Д.Гантулга нь МАН дахь УИХ-ын гишүүн У.Хүрэлсүхийн "Зүүний холбоо”-нд харъяалагддаг. Энэ утгаар нь зарим нэгэн хүмүүс У.Хүрэлсүхийг явуулгаар УИХ-ын дарга М.Энхболдыг унагах нэрийг нь сэвтээх ажлыг идэвхийлэн хийдэг гэж яригдаад эхэлсэн гэнэ. Тиймдээ ч юм уу хууль батлаад танхимдаа суух цаг нь хомсдож орон нутгуудаар хэсэж аймгийн дарга нарт дарамт болж явах дуртай болсон гэх. Ер нь ингэж хөл ихтэй аймаг орон нутаг хэсэж хүндэрсэн эдийн засагт уламт дарамт болж байгаагаа мэддэг ч энэ тухай бодох эрхэмүүд үнэндээ алга. Тэд эрх мэдлийн өлгийд өлгийдүүлсэн цагаасаа /нялхаараа/ халгиж цалгиж, ядарсан иргэдэд тав арван төгрөг, хэдэн мал өгснөө ихэд бодож толгой өргөдөг нь гэм биш зан боллоо.

Сүүлийн үед хурдан морины бизнес, бооцоот уралдаан нь бизнес эрхлэгчид болон улстөрчдийн гол зугаа цэнгэл болоод байгаа. Үүний том төлөөлөгч нь УИХ-ын дарга М.Энхболд Монголын морин спортын холбооны ерөнхийлөгч хэмээн уяачдын толгойг илж шүүхийн шийдвэрийг ч үл хүндэтгэх болсонтой холбоотойгоор залуу улстөрчид уяач нэртэй том дээл, бүсээр гангарсан морио танихгүй нэгэн болохоор тэмүүлж байна.

Эцэст нь хэлэхэд дарга ч бай цэрэг ч бай хүмүүс хийх ёстой ажлаа л хийгээд явчихвал монгол маань хөгжинө. Түүнээс олон зүйл рүүгээ хөрвөөд л үлгэн салган яваад байвал яач ч хөгжих вэ дээ. Ер нь УИХ-ын гишүүн Д.Гантулга та цагаан захтай, хууль батлалцаад суух улстөрч болохоос, хөдөө морь тарлаж, сойлго тааруулдаг уяач биш. Үнэхээр уяач нэр зүүмээр байгаа юм бол эртхэн суудлаа өгсөн нь дээр биз.

Энэ залуу удахгүй Алдарт уяач, мянгат малчин гээд цол гуншинтай болно гэж мөрийцсэн чадна. Ямартаа ч би гайхахгүй. Морь мал мэдэхгүй "өлгийтэй жаал"-аар удирдуулдаг холбоо ч бас хөөрхий л гэхээс...