ХОТЫН АГААР МАШ ИХ БОХИРДОЛТОЙ БАЙНА
Агаарын чанарын албанаас гаргасан мэдээгээр яг одоогийн байдлаар Улаанбаатар хотын долоон цэгт агаар маш их бохирдолтой байна. Тодруулбал, Нисэх, Толгойт, Амгалан, Мишээл экспо, Баруун дөрвөн зам, Монгол газар, Баянхошуу орчимд агаарын чанарын индекс 500-г давжээ.
Мөн өнөө өглөөний байдлаар Бөхийн өргөө орчимд агаар их бохирдолтой байгаа бол 100 айл, Ургах наран орчимд бага зэргийн бохирдолтой байна.
.jpg)
Агаарын чанарын түвшин 501 ба түүнээс дээш байгаа бол маш их бохирдолтой бөгөөд удаан хугацаагаар гадаа байхад нийт хүн амын ЭРҮҮЛ МЭНДЭД сөрөг нөлөөлөл илэрнэ гэжээ.
Индекс 251-400 байвал дунд зэргийн бохирдолтой үед нийт хүн амын эрүүл мэндэд бага зэргийн сөрөг нөлөөлөл илэрч эхэлнэ. Хэт мэдрэг хүмүүсийн эрүүл мэндэд сөрөг нөлөөлөл хүндээр илэрнэ.
Индекс 101-250-тай буюу агаар бага зэргийн бохирдолтой бөгөөд хэт мэдрэг хүмүүсийн эрүүл мэндэд сөрөг нөлөөлөл илэрнэ. Зүрх судас, амьсгалын замын архаг өвчтэй, ялангуяа гуурсан хоолойн багтраа өвчтэй хүмүүс нөлөөлөлд илүү өртөнө гэжээ.
Г.Зул
