ӨНГӨ АЛАГЛАСАН ”THE WASABIES” ХҮЛЭЭЛТЭД НИЙЦЭВ ҮҮ?
Монголын телевизийн салбарт сүүлийн жилүүдэд шоу нэвтрүүлгүүд түлхүү хийгдэх болсон. Гадаадын шилдэг контентуудыг оруулж ирэн өөрсдийн хөрсөнд буулгасан шоунуудын нэг бол "Оддын академи” шоу нэвтрүүлэг. Тус нэвтрүүлэгт шалгарч үлдсэн охидын "The Wasabies” хамтлагийн охид анхны уран бүтээлээ өчигдөр олны хүртээл болгожээ. "Girls Generation” нэртэй тус уран бүтээл тун ч өнгөлөг хийгдсэн байх бөгөөд тэднийг Kpop хамтлагуудыг дуурайсан хэмээн шүүмжлэх хүмүүс байсан ч түүнээс илүү хүлээлтээс давж гарсан хэмээн магтах хүмүүс олон байв. Телевизийн нэвтрүүлгээс төрөн гарсан ч удалгүй алга болдог хамтлагуудын жишгийг дагалгүй тууштай байхыг захисан үзэгчид нь тэднийг ийн тун ч найрсаг хүлээн авчээ.
