Хятад улсын бараанд 25 хувийн татвар ногдуулах шийдвэр хүчин төгөлдөр болж байна

23

Хятад улсын бараанд 25 хувийн татвар ногдуулах шийдвэр хүчин төгөлдөр болж байна

 

Хятад улсаас нийлүүлж буй бараа бүтээгдэхүүнд 25 хувийн нийт 34 тэрбум ам.долларын татвар ногдуулах тухай АНУ-ын Ерөнхийлөгч Дональд Трампын шийдвэр өнөөдрөөс хүчин төгөлдөр болж байна.

Хятадын бараанд татвар ногдуулах шийдвэр нь Америкийн компаниудын оюуны өмч болон технологийг хятадын компаниуд хууль бусаар олж авах, эзэмших, түүнчлэн Хятадууд худалдааны шударга бус арга хэрэглэдэг байсантай нь холбоотой гэж АНУ-ын эрх баригчид үзэж байгаа хэмээн Д.Трамп өмнө нь мэдэгдэж байсан.

Д.Трампын үзэж байгаагаар, АНУ-ын засаг захиргааны энэхүү шинэ арга хэмжээнүүд нь тус улсын Хятад улстай хийдэг худалдаанд хүлээдэг 500 тэрбум ам.долларын алдагдлыг арилгахад тус дөхөм болох аж.

Америкийн талаас авч хэрэгжүүлэх алхмууд нь Хятад улсын үндэсний ашиг сонирхлыг хөндөж байгаа учир хариу арга хэмжээ авна гэж Хятад улсын зүгээс мэдэгдэээд байгаа юм.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.