“АЧИТ ИХТ” ХХК ӨӨРИЙН БОЛОН “ЭРДЭНЭТ” ҮЙЛДВЭРИЙН АЖИЛЧДАД ДАВУУ ЭРХИЙН ХУВЬЦААГ ЭЗЭМШҮҮЛЖ ЭХЭЛЛЭЭ

555

“АЧИТ ИХТ” ХХК ӨӨРИЙН БОЛОН “ЭРДЭНЭТ” ҮЙЛДВЭРИЙН АЖИЛЧДАД ДАВУУ ЭРХИЙН ХУВЬЦААГ ЭЗЭМШҮҮЛЖ ЭХЭЛЛЭЭ

 

"Ачит-Ихт” ХХК  нь өөрийн 100 хувь охин компани болох "Ачит зэс” ХК-иар дамжуулан Монголд анх удаа давуу эрхийн хувьцаа гарган өөрийн болон Эрдэнэт үйлдвэрийн ажилчдад санал болгон, улмаар эзэмшүүлэх ажлыг энэ сарын 15-наас албан ёсоор эхэллээ. Энэхүү давуу эрхийн хувьцаа нь энгийн хувьцаанаас өөр нөхцөлтэй бөгөөд хаалттай хүрээнд буюу зөвхөн "Ачит-Ихт” ХХК болон "Эрдэнэт үйлдвэр” ХХК-ийн ажилчдад зориулан гаргасан, улирал тутам ногдол ашиг хуваарилах зэрэг давуу талтай аж. Тус компани давуу эрхийн хувьцаагаа эзэмшүүлэх ажиллагааг үнэт цаасны арилжааны андеррайтер "Бидисек” ХК-иар дамжуулан хэрэгжүүлж эхэлжээ.

"Ачит Ихт” ХХК нь 2014 оноос эхлэн "Эрдэнэт” үйлдвэрийн ил уурхайгаас гарсан  хөвүүлэн баяжуулах технологид тохирохгүй, балансын бус, бага агуулгатай холимог хүдрийн нөөцийг ашиглан гидрометаллургийн аргаар катодын зэс ялгах үйлдвэрлэлийг явуулж байгаа үндэсний үйлдвэрлэгч компани юм. Тус компани нь МУ-ын Засгийн газар, МҮХАҮТ-ээс шалгаруулдаг ТОП-100 аж ахуйн нэгжээр 2014, 2015, 2016 онуудад тус тус шалгарч байсан үндэсний томоохон татвар төлөгч аж. "Ачит-Ихт” ХХК-ийн үйлдвэрлэж буй бүтээгдэхүүн нь Лондонгийн метал биржийн стандарт хангасан 99,999 хувийн цэвэршилтэй "А” зэрэглэлийн катодын зэс юм байна.
 

olloo.mn

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>