Загвар өмсөгч Ж.Энэрэл “ICON” сэтгүүлийн нүүрийг чимлээ
Өнгөрсөн долоо хоногт сошиал орчинд загвар өмсөгч Ж.Энэрэлийн зураг нэлээд шейрлэгдсэн. Зарим нь түүний зурагт нэр өгөөд амжсан юм. Үүнд Ж.Энэрэл дургүйцсэнгүй. Харин ч "За, энэ зурагт ямар нэр өгмөөр байна. Фэйсбүүк дээр зарим нь "Дөрөвдүгээр курсийн оюутан гэртээ ирсэн нь” гэсэн байна лээ” хэмээн хошигнов.
Тэгвэл загвар өмсөгч бүсгүйн авахуулсан зураг "ICON” сэтгүүлийн зураг аж. Тодруулбал, Германы "ICON” сэтгүүл есдүгээр сарын дугаарын зураг авалтаа Монгол Улсаас бэлтгэж, Монголын нүүдлийн соёл, аж ахуй, тал нутгийн сайхныг харуулсан зургийг сэтгүүлийн хуудаснаа мөнхөлжээ.
