Наян настай Монгол эмэгтэй дэлхийн аварга боллоо
Испани улсад болж буй хөнгөн атлетикийн Мастеруудын дэлхийн аварга шалгаруулах тэмцээн есдүгээр сарын 4-16 ны өдрүүдэд явагдаж байна. Уг тэмцээнд дэлхийн 101 оны 8187 тамирчид оролцон хурд хүчээ сорьж байгаа бөгөөд манай улсаас ОУХМ Т.Цэрэндолгор , ОУXМ А.Алтанцэцэг нар оролцож байгаа юм.
Найм даxь удаагаа зохиогдож байгаа дэлхийн аварга шалгаруулах мастеруудын тус тэмцээнд Монгол Улсаа төлөөлөн оролцож байгаа ОУXМ Т.Цэрэндолгор гуай 80 настнуудын ангилалд оролцож байна. Тэрээр хөнгөн атлетикийн шидэлтийн 5 төрөлт болон шидэлтийн пендатлон зэрэг 6 төрөлд өрсөлдсөнөөр нэг алт, хоёр мөнгө, нэг хүрэл медаль хүртсэн юм. Ийнхүү тэрээр Монгол эмэгтэйн хурд, хүч, чансааг гайхуулан эдүгэ 80 насандаа дэлхийн аваргын болзол хангаж чадсан юм.
Сонирхуулахад, тус тэмцээнд оролцогчдын хамгийн аxмад эрэгтэй нь Итали улсын тамирчин 102 настай Джузеппе Оттавиани, эмэгтэйчүүдээс Энэтхэг улсын тамирчин 102 настай МанКаур нар байв.
