Ц.Батбаяр захидалдаа “Нийслэлийн МАН-ын даргад өрсөлдөнө” гэдгээ илэрхийлжээ
Нийслэлийн МАН-ын Бага хурал энэ сарын 21-ний өдөр зохион байгуулагдаж, удирдлагаа сонгоно. Нийслэлийн МАН-ын хороог одоогоор Нийслэлийн засаг дарга бөгөөд Улаанбаатар хотын захирагч С.Батболд үүрэг гүйцэтгэгч байдлаар удирдаж буй юм. Тэрээр Нийслэлийн МАН-ын хорооны даргад өрсөлдөнө гэдгээ албан ёсоор зарласан. Нийслэлийн МАН-ын хорооны даргад С.Батболдтой Уул уурхай, хүнд үйлдвэрийн сайд, УИХ-ын гишүүн Д.Сумъяабазар өрсөлдөхөөр яригдаж буй. Тэрээр энэ талаараа хэвлэлд ямар нэгэн байдлаар байр сууриа илэрхийлээгүй байгаа юм.
Олон нийт Нийслэлийн МАН-ын хорооны даргад С.Батболд, Д.Сумъяабазар нар өрсөлдөнө гэсэн ерөнхий мэдээлэлтэй буй. Үүн дээр нэмэгдэж, хотын дарга асан Ц.Батбаяр нэр дэвшихээр бэлтгэлээ базааж байгаа аж. Тэрээр Нийслэлийн МАН-ын даргад өрсөлдөх хүсэлтээ албан ёсоор бичгээр гаргасан гэх мэдээлэл байна.
Саяхан түүнийг Нийслэлийн МАН-ын Бага хурлын талаар намын дарга У.Хүрэлсүх, нарийн бичгийн дарга Д.Амарбаясгалан нарт нууц захидал илгээсэн талаар мэдээлэгдсэн. Түүний нууц захидлын гол агуулга удахгүй болох Нийслэлийн МАН-ын хорооны даргад нэрээ дэвшүүлнэ. Дэмжиж өгнө үү" гэсэн агуулагатай байжээ.
