Нөхөн сонгуулийн сурталчилгаа эхэллээ

289

 

 

Нөхөн сонгуулийн сурталчилгаа эхэллээ

Сүхбаатар аймгийн ИТХ-ын 14 дүгээр тойрог буюу Баруун-Урт сумын хоёрдугаар багийн нөхөн сонгуулийн санал хураалт ирэх сарын 07-нд болно. Сонгуульд МАН болон АН-ын нэр дэвшигчид өрсөлдөхөөр сонгуулийн хорооноос нэр дэвшигчийн үнэмлэхээ авсан. Харин нэр дэвшигчид сонгуулийн сурталчилгааны ажлаа есдүгээр сарын 19-нд албан ёсоор эхэллээ.

Нөхөн сонгуульд АН-аас нэр дэвшигч Ж.Батсуурийн сонгуулийн сурталчилгааны нээлт тус өдөр болж, нээлтэд АН-ын ерөнхий нарийн бичгийн дарга Ц.Туваан, Хэрэг эрхлэх газрын дэд дарга Н.Ганибал, аймгийн АН-ын дарга М.Идэрбат болон намын гишүүд дэмжигчид оролцжээ.

Харин МАН-аас нэр дэвшигч С.Цэрэндондовын сонгуулийн сурталчилгааны нээлт болоогүй, хугацааны хувьд хэзээ гэдэг нь тодорхойгүй байна.

Сурталчилгаа сонгуулийн тухай хуулиараа 18 хоног үргэлжилнэ. Энэ хугацаанд нэр дэвшигчид, намууд хуулийн дагуу сурталчилгаа мэдээллээ хийхийг аймгийн сонгуулийн хорооноос анхааруулав.


Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.