Солонгост байгаа Монгол иргэн коронавирусийн халдвар авчээ
БНСУ-н Гёнги аймгийн Пёнтэг хотод нэг өдрийн дотор коронавирус туссан 3 хүн (32~34 тохиолдол) нэмэгдсэнээс нэг нь 30~аад насны Монгол эмэгтэй ажээ.
Пёнтэг хотын 33 дахь тохиолдол болж бүртгэгдсэн манай улсын иргэн тус хотын 19 дахь коронавирусийн халдвар авсан хүний хавьтагч болсноор өөрийгөө тусгаарлах болсон бөгөөд тусгаарлах хугацаанд нь шинжилгээний хариу нь ‘эерэг’ гарчээ.
Пёнтэг хотын захиргаа болон халдварт өвчин судлалын төв нэмэлт хавьтагч байгаа эсэхийг шалгаж, коронавирусийн халдвар авсан хүмүүсийн эргэн тойрны байр, байшинг ариутгаж байгаа юм.
