Аргентины хөгжөөн дэмжигч багийнхаа ялалтыг тэмдэглэж байгаад буу алдаж, хүүгээ бууджээ
Катарт болж буй хөлбөмбөгийн дэлхийн аварга шалгаруулах тэмцээний хэсгийн гурав дахь тоглолтын үеэр Аргентины шигшээ баг ялалт байгуулсныг тэмдэглэж байсан эр буу гарган буудаж, суманд нь найман хүү нь өртсөн талаар Toda Pasion мэдээлжээ.
Энэ хэрэг Аргентины Санто Томе хотод болсон байна. Ялалтаа тэмдэглэн хэт хөөрсөн хөгжөөн дэмжигч буу гарган буудсан бөгөөд нэг сум хүүгийнх нь ташаан тус газар онож, цус ихээр алджээ. Буу алдаж, хүүгээ шархдуулсан эцэг эмнэлгийн түргэн тусламжийн газар руу нэн даруй хүүгээ хүргээд, эмч нартай үлдээж, өөрөө зугтсан байна. Шарх нь хүнд байсан тул хүүг өөр эмнэлэг рүү шилжүүлсэн, гэхдээ хүүгийн амь насанд аюулгүй хэмээн эмч нар мэдэгджээ.
Энд дуулгахад, Аргентины шигшээ баг ДАШТ-ийн плей-оффт шалгарсан бөгөөд 12 дугаар сарын гуравны өдөр Австралийн шигшээ багтай тааран тоглох юм.
Г.Бямбасүрэн
http://www.shuud.mn/a/545238
