Жүдоч хүнд зодог тайлна гэсэн ойлголт байхгүй. Тэд бүх амьдралдаа суралцаж, бэлтгэл хийдэг. Зодог тайлах, тулааны талбараас гарах зэрэг хэллэгийг жижигхэн хүрээнд битгий авч үзээрэй.

Жүдочийн замнал илүү урт. Замнал нь төгслөө гэх мэтээр хандвал их гунигтай байх болно.

Өнөөдрийг миний жүдогийн ертөнцөд үлдээсэн амжилтыг эргэн дурсах нэгэн боломж болгож өгвөл баяртай байх болно.
 

Жүдогийн барилдаан бол амь насаа зориулах тулаан гэдэг бодол минь өөрчлөгдөөгүй. Одоо тэмцээн уралдаанд оролцох талаар огт бодохгүй байна. Гэхдээ жүдотой дахин холбогдох ямар нэг өөр нөхцөл байдал үүсвэл дахин барилдаж магадгүй гэж л хэлэх байна. Жүдогоо орхихгүй.

Парисын олимп жил хагасын дараа л болно. Би одоо ч бэлтгэл хийж байгаа. Нэг жиндээ 10 жил барилдлаа. Үнэнийг хэлэхэд, гар зөрүүлж барилдмаар жүдоч байхгүй болсон нь олимпод оролцохгүй болоход их нөлөөлсөн.

Ковидын нөлөөгөөр Парисын олимп 4 жил биш гурван жилийн дараа явагдах болсон. Токиогийн олимпын дараа нэг жил амарсан ч олон улсын тэмцээнд оролцох, Японы шигшээ багт сонгогдох зэргээр яг бүрэн гүйцэд амарч чадаагүй.

Тэмцээнийг жижиг том гэж ялгаж болохгүй ч үнэндээ Токио олимпын дараа оролцож, түрүүлэхийг хүсэхээр тийм тэмцээн байхгүй болсон. Үхэх сэхэхээ үзэлцэх хүсэл төрөхгүй байна.

Тулааны урлаг, спорт хоёрын ялгааг сайн ойлгож байж татами дээр гараасай гэж залуу тамирчдад хэлмээр байна. Спорт гэдгээрээ уралдаан, тоглоом ч жүдоч гэдэг утгаараа үхэх сэхэх тулаан юм.
 

Сэтгэлд хамгийн үлдсэн барилдаан бол 2019 оны Бүх Японы АШТ-ий хагас шигшээд Масаши Эбинүма ахтай хийсэн барилдаан. Риогийн олимпын аварга болсны дараа намайг өсөн дэвжихэд маш их тус болсон барилдаан.

Токиогийн олимпын өмнө өөрийгөө тулааны тэргүүн эгнээнд байгаа тамирчин гэж бодож, өөртөө дарамт өгөхийг хичээж байлаа. Би өөрийгөө "Сүүлийн самурай" гэж бодон барилдаж байсан.
 

Эх орондоо болсон олимпод түрүүлж чадсан минь хамгийн том бахархал.    

Японы жүдоч олимп, дэлхийд түрүүлэх нь мэдээжийн зүйл гэгддэг. Ийм нөхцөлд ялах нь ойлгомжтой гэсэн нөхцөл байдал дунд барилдаж ирсэн ч бас дутуу үнэлэгдэж байна гэсэн сэтгэл төрдөг байсан. Бид бол олимпын аварга олон жүдочдын нэг л хэсэг нь. Европын жүдо бол өөр. Европт болдог тэмцээн, хамтарсан бэлтгэлд тамирчид намайг халуун дулаанаар угтдаг. Алдар хүнд байгаа үедээ Европын жүдод ороод үзэх хүсэл байна" гэж ярилаа. 

https://news.zindaa.mn/4j2q