Д.Амарбаясгалан: “Эрдэнэс-Тавантолгой”-д дахин БЭТ томилно
Засгийн газрын ээлжит хуралдаанаар хэлэлцсэн асуудлаар сайд нар мэдээлэл хийж байна.
Засгийн газрын өнөөдрийн хуралдаанаар "Эрдэнэс Тавантолгой" ХК-д тогтоосон Онцгой дэглэм, Бүрэн эрхт төлөөлөгч /БЭТ/-ийн ажлын тайланг сонсч, дүгнэсэн байна. Ингэхдээ БЭТ-ийн ажлыг өндрөөр үнэлж, компанийн эдийн засгийн бүх үзүүлэлт өсөлттэй гарч, хариуцлагатай сайн ажилласан гэж үзсэн байна.
Иймд “Эрдэнэс Тавантолгой” ХК-ийн үйл ажиллагаа, засаглалыг илүү сайжруулж, үр өгөөжийг нэмэгдүүлэх үүднээс арваннэгдүгээр сарын 26-наас дахин БЭТ томилох нь зүйтэй гэж Засгийн газрын хуралдаанаас шийдвэрлэсэн гэж ЗГХЭГ-ын дарга Д.Амарбаясгалан мэдээллээ.
Өнгөрсөн аравдугаар сарын 26-ны өдөрт "Эрдэнэс-Тавантолгой"-д томилсон Бүрэн эрхт төлөөлөгч Ж.Ганбатын бүрэн эрхийн хугацаа дууссан. БЭТ-өөр ажиллаж байсан Ж.Ганбатын саналаар "Эрдэнэс Тавантолгой" ХК-ийн Дотоод аудитын газрын дарга н.Мөнхжаргалыг гүйцэтгэх захирлын түр орлон гүйцэтгэгчээр томилоод байгаа юм.
