Эрдэнэт үйлдвэрийн эмэгтэйчүүдийн төлөөлөл зуны сургалтанд хамрагдав
Монголын
Эмэгтэйчүүдийн холбооноос гишүүн байгууллагуудынхаа дунд уламжлал
болгон явуулдаг зуны сургалтын энэ жилийнх Говь –Алтай аймгийн Бигэр
сумын "Шимт” элсний сувилалд 7-р сарын 24-нөөс 8-р сарын 2-нд болов.
Сургалтанд 100 гаруй эмэгтэйчүүд оролцсон бөгөөд, Эрдэнэт үйлдвэр ХХК-ийн
Эмэгтэйчүүдийн холбоо цех хэсгийн 20 эмэгтэй ажилтныг хамруулав. Тус
сургалтаар "Ургийн бичиг хөтлөхийн ач холбогдол”, "Арьс арчилгаа, гоо
сайхан”, "Сүү цагаан идээг гэрийн нөхцөлд бэлтгэх арга”, "Элсийг бөөрний
эмчилгээнд хэрэглэх нь” сэдвээр эрдэмтэн доктор, мэргэжилтнүүд хичээл заав. Мөн
Говь-Алтай, Баянхонгор аймгийн Эмэгтэйчүүдийн зөвлөлийн ажил үйлстэй
танилцан туршлага солилцож, манай орны байгалийн үзэсгэлэнт
газруудын нэг Ээж хайрхан уулын аялалд оролцов. Эрдэнэт
үйлдвэр ХХК-ийн Эмэгтэйчүүдийн холбооныхон зуны сургалтанд оролцох боломжоор
хангасан үйлдвэрийн удирдлагууддаа баярласнаа илэрхийллээ.
