Дэлхийд хамгийн хэрэгцээтэй байгаа 20 мэргэжил
Дэлхийн хэмжээнд хамгийн их эрэлт хэрэгцээтэй байгааг нь тогтоосон 20 мэргэжлийн жагсаалт гарчээ. Эдгээр мэргэжлийг өндөр төвшинд эзэмшсэн хүн дэлхийн хаана ч очоод чамлахааргүй цалинтай ажил хийгээд амьдрах боломжтой аж.
Энэхүү топ 20 –ийн жагсаалтад дараахь мэргэжил багтжээ, үүнд:
1. Сувилагч
2. Механик инженер
3. Эмч
4. Цахилгааны инженер
5. Программчид, IT боловсруулагчид
6. IT инженерүүд, аналитикүүд
7. Иргэний байгууламжийн барилгын мэргэжилтнүүд
8. Өгөгдлийн сан ба компьютерийн сүлжээний мэргэжилтнүүд
9. Нягтлан бодох
10. Шүдний эмч
11. Эм зүйч
12. Технологийн инженерүүд
13. Электроникийн инженерүүд
14. Химийн инженерүүд
15. Уулын инженер, нефть боловсруулах үйлдвэрийн мэргэжилтнүүд
16. Физик эмчилгээний эмч
17. Сэтгэл зүйч
18. Рентгений эмч
19. Чих хамар хоолой ба хэл ярианы согог заслын эмч
20. Ахлах тогоооч
Европ, Өмнөд Америк, Азийн өндөр хөгжилтэй бүх орнуудад хамгийн их эрэлттэй байгаа мэргэжил нь сувилагч. Австрали гэхэд л гадаадын өндөр мэргэшсэн боловсон хүчнийг татахын тулд виз мэдүүлэхэд тодруулах шаардлагатай зүйлийн тоог багасгаж, гадаадын мэргэжилтнүүд өгдөг онооны системийг өөрчилсөн. Энэ улс гэхэд олон жил ажилласан, англи хэлтэй, туршлагатай сэтгэцийн тасгийн сувилагч, мэс заслын сувилагчид боломжийн цалинтай ажил амлана. АНУ-ын Калифорни, Флорид мужид сувилагчийн мэргэжилтэй хүн хамгийн их үгүйлэгдэж байгаа гэнэ. Мэргэжилтэй боловсон хүчинд хамгийн эергээр ханддаг улсын нэг нь Швед. Энэ улсад сувилагчийн мэргэжилтэй боловсон хүчин мөн л нэлээд дутмаг байгаа юм. Ажилд тэнцэн орж чадвал ар гэрийг нь Шведед нүүж ирэхийг нь зөвшөөрдөг. Германд сувилагч, ялангуяа өндөр настнуудыг асрахад мэргэшсэн сувилагч ихээхэн дутагдаж байгаа болохоор энэ чиглэлийн мэргэжилтнүүдийг ажилд авахыг зөвшөөрдөг. Их Британид мэс заслын, төрөх тасгийн, эрчимт эмчилгээний сувилагч хамгийн эрэлттэй байгаа. Тэгэхээр сувилагч хүн хангалтай олон жил ажилласан туршлагатай бол англи хэл сураад, мэргэжлийн төвшнөө бататгасан дипломтой болчихвол зөвхөн цалин, ажлын нөхцлийг нь голон голон энд ажиллаад байх хэрэггүй юм.
Ер нь, энэ жагсаалт дотор эрүүл мэндийн салбартай холбоотой мэргэжил давамгайлж байгааг уншигч та лав анзаарсан байх. Шүдний эмч, чих хамар хоолой, рентгений эмч, эм зүйч, физик эмчилгээ гээд маш олон чиглэлийн эмч хамгийн эрэлттэй мэргэжлийн тоонд орсон байна. Шүдний эмч гэхэд Финлянд, Скандинавын хойгийн орнуудад хамгийн эрэлттэй. Эмч зүйч гэхэд 1-5 жил ажилласан туршлагатай бол Шинэ Зеландад очоод жилийн 65 мянган ам.долларын дундаж цалинтай ажилд орж болж байна.
Физик эмчилгээний эмчийн хэрэгцээ 2020 онд АНУ-д 39 хувиар нэмэгдэнэ гэсэн мэдээг албан ёсоор гаргасан байгаа. Энэ бол бусад мэргэжлүүдээс хавьгүй илүү эрэлттэй байгаа хэрэг. Рентгений эмчийн цалин Британид гэхэд жилдээ 33 мянга 220 ам.доллараас эхэлдэг бөгөөд рентгений зөвлөх эмчийн жилийн цалин 71 мянган ам.доллар хүрдэг. Их Британид хүүхдийн эмч, эмэгтэйчүүдийн эмч, гематологийн зөвлөх, шүүхийн сэтгэцийн эмгэг зүйн эмч нар ихээхэн дутагдаж байгаа.
Чих хамар хоолойн эмч нарын цалин Шинэ Зеландад жилдээ 37 мянга 200 ам.доллараас 91 мянган ам.доллар. Хэл ярианы согог засагч мэргэжилтэн буюу логопед эмч жилдээ 62 мянган ам.долларыг авна. Германд ойрын хэдэн жилд шинээр таван мянган эмч шаардлагатай болоод буй. Эмчийн мэргэжил нь энэ оронд хамгийн өндөр цалин авдаг бөгөөд жилдээ дунджаар 63 мянган 741 ам.доллар авдаг. Хөгжлөө дагаад хүмүүс эрүүл мэнддээ хэзээ хэзээнээс илүүтэй анхаарал тавьдаг болсны нөлөөгөөр эмч, эрүүл мэндийн салбарын мэргэжилтнүүдийн эрэлт, хэрэгцээ цаашид ч улам нэмэгдэх байх.
Эрэлт ихтэй байгаа дараагийн мэргэжил нь инженерүүд, IT салбарын мэргэжилтнүүд болсон байна. Аж үйлдвэрлэлд олон тооны шинэ технологи нэвтэрч, хэзээ хэзээнээс илүү хурдацтай хөгжиж байгаа болохоор тус тусын салбарын инженерийн хэрэгцээ их болох зүйн хэрэг. Хамгийн үсрэнгүй хурдаар хөгжиж байгаа салбар өнөөдөр яах аргагүй IT салбар. Санхүү, барилгаас эхлээд хүнд үйлдвэрлэл хүртэл бүх л салбарт IT технологи нэвтэрч, хувьсгал хийгээд байгаа болохоор энэ чиглэлийн мэргэжилтнүүдийн хэрэгцээ цаашид ч улам нэмэгдэнэ. Их Британид гэхэд л программистууд, компьютер тоглоом зохиогч мэргэжилтнүүд жилдээ 49 мянга 664 ам.долларын цалин авдаг. Шинэ Зеландын хамгийн их эрэлттэй байгаа мэргэжлийн дотор программ хангамж ба IT боловсруулагч салбарын есөн төрлийг заасан байна. Австрийн хувьд ч энэ салбарын 15 нарийн мэргэжлийг эрэлттэй байна гэжээ.
Цахилгааны инженерүүд гэхэд Унгарын хамгийн эрэлттэй 10 мэргэжлийн нэг. Их Британид газрын тос ба шатдаг хийн үйлдвэр, цахилгаан эрчим хүчний үйлдвэрүүдэд цахилгааны инженерүүд их хэрэгтэй байгаа. Шинэхэн цахилгааны инженерийн цалин энд жилийн 36 мянга 850 ам.доллар.
Тэгвэл таваас дээш жил ажилласан өндөр мэргэшилтэй ерөнхий тогооч шаардлагатай байгаа тухай эдийн засаг нь хурдацтай хөгжиж байгаа тав зургаан ч улс мэдэгджээ. Цалингийн хувьд Шинэ Зеландад ахлах тогооч нар 22 мянга 330 ам.доллар хүрдэг.
Санхүүгийн хямралаас болж хүнд байдалд орсон Ирланд, Грек зэрэг оронд өндөр мэргэшсэн, туршлагатай нягтлан бодогч нар ихээхэн үгүйлэгддэг болжээ. Гурваас таван жил ажилласан нягтлан бодохууд Сингапурт жилдээ 48 мянга 757 ам.доллараас эхлээд 61 мянган ам.доллар хүртэл цалин авдаг.
Тэгэхээр мэргэжлийн төвшин, хэлний боловсролоо тасралтгүй ахиулахад ямагт анхаардаг цаг үетэйгээ хөл нийлүүлэн явдаг хүмүүс дэлхийн маш олон орон, түүний дотор өндөр хөгжилтэй, хурдацтай өсч яваа эдийн засагтай аль ч улсад чамлахааргүй цалин аваад ажиллалаад байх боломж байна.
Эх сурвалж: www.assa.mn
Энэхүү топ 20 –ийн жагсаалтад дараахь мэргэжил багтжээ, үүнд:
1. Сувилагч
2. Механик инженер
3. Эмч
4. Цахилгааны инженер
5. Программчид, IT боловсруулагчид
6. IT инженерүүд, аналитикүүд
7. Иргэний байгууламжийн барилгын мэргэжилтнүүд
8. Өгөгдлийн сан ба компьютерийн сүлжээний мэргэжилтнүүд
9. Нягтлан бодох
10. Шүдний эмч
11. Эм зүйч
12. Технологийн инженерүүд
13. Электроникийн инженерүүд
14. Химийн инженерүүд
15. Уулын инженер, нефть боловсруулах үйлдвэрийн мэргэжилтнүүд
16. Физик эмчилгээний эмч
17. Сэтгэл зүйч
18. Рентгений эмч
19. Чих хамар хоолой ба хэл ярианы согог заслын эмч
20. Ахлах тогоооч
Европ, Өмнөд Америк, Азийн өндөр хөгжилтэй бүх орнуудад хамгийн их эрэлттэй байгаа мэргэжил нь сувилагч. Австрали гэхэд л гадаадын өндөр мэргэшсэн боловсон хүчнийг татахын тулд виз мэдүүлэхэд тодруулах шаардлагатай зүйлийн тоог багасгаж, гадаадын мэргэжилтнүүд өгдөг онооны системийг өөрчилсөн. Энэ улс гэхэд олон жил ажилласан, англи хэлтэй, туршлагатай сэтгэцийн тасгийн сувилагч, мэс заслын сувилагчид боломжийн цалинтай ажил амлана. АНУ-ын Калифорни, Флорид мужид сувилагчийн мэргэжилтэй хүн хамгийн их үгүйлэгдэж байгаа гэнэ. Мэргэжилтэй боловсон хүчинд хамгийн эергээр ханддаг улсын нэг нь Швед. Энэ улсад сувилагчийн мэргэжилтэй боловсон хүчин мөн л нэлээд дутмаг байгаа юм. Ажилд тэнцэн орж чадвал ар гэрийг нь Шведед нүүж ирэхийг нь зөвшөөрдөг. Германд сувилагч, ялангуяа өндөр настнуудыг асрахад мэргэшсэн сувилагч ихээхэн дутагдаж байгаа болохоор энэ чиглэлийн мэргэжилтнүүдийг ажилд авахыг зөвшөөрдөг. Их Британид мэс заслын, төрөх тасгийн, эрчимт эмчилгээний сувилагч хамгийн эрэлттэй байгаа. Тэгэхээр сувилагч хүн хангалтай олон жил ажилласан туршлагатай бол англи хэл сураад, мэргэжлийн төвшнөө бататгасан дипломтой болчихвол зөвхөн цалин, ажлын нөхцлийг нь голон голон энд ажиллаад байх хэрэггүй юм.
Ер нь, энэ жагсаалт дотор эрүүл мэндийн салбартай холбоотой мэргэжил давамгайлж байгааг уншигч та лав анзаарсан байх. Шүдний эмч, чих хамар хоолой, рентгений эмч, эм зүйч, физик эмчилгээ гээд маш олон чиглэлийн эмч хамгийн эрэлттэй мэргэжлийн тоонд орсон байна. Шүдний эмч гэхэд Финлянд, Скандинавын хойгийн орнуудад хамгийн эрэлттэй. Эмч зүйч гэхэд 1-5 жил ажилласан туршлагатай бол Шинэ Зеландад очоод жилийн 65 мянган ам.долларын дундаж цалинтай ажилд орж болж байна.
Физик эмчилгээний эмчийн хэрэгцээ 2020 онд АНУ-д 39 хувиар нэмэгдэнэ гэсэн мэдээг албан ёсоор гаргасан байгаа. Энэ бол бусад мэргэжлүүдээс хавьгүй илүү эрэлттэй байгаа хэрэг. Рентгений эмчийн цалин Британид гэхэд жилдээ 33 мянга 220 ам.доллараас эхэлдэг бөгөөд рентгений зөвлөх эмчийн жилийн цалин 71 мянган ам.доллар хүрдэг. Их Британид хүүхдийн эмч, эмэгтэйчүүдийн эмч, гематологийн зөвлөх, шүүхийн сэтгэцийн эмгэг зүйн эмч нар ихээхэн дутагдаж байгаа.
Чих хамар хоолойн эмч нарын цалин Шинэ Зеландад жилдээ 37 мянга 200 ам.доллараас 91 мянган ам.доллар. Хэл ярианы согог засагч мэргэжилтэн буюу логопед эмч жилдээ 62 мянган ам.долларыг авна. Германд ойрын хэдэн жилд шинээр таван мянган эмч шаардлагатай болоод буй. Эмчийн мэргэжил нь энэ оронд хамгийн өндөр цалин авдаг бөгөөд жилдээ дунджаар 63 мянган 741 ам.доллар авдаг. Хөгжлөө дагаад хүмүүс эрүүл мэнддээ хэзээ хэзээнээс илүүтэй анхаарал тавьдаг болсны нөлөөгөөр эмч, эрүүл мэндийн салбарын мэргэжилтнүүдийн эрэлт, хэрэгцээ цаашид ч улам нэмэгдэх байх.
Эрэлт ихтэй байгаа дараагийн мэргэжил нь инженерүүд, IT салбарын мэргэжилтнүүд болсон байна. Аж үйлдвэрлэлд олон тооны шинэ технологи нэвтэрч, хэзээ хэзээнээс илүү хурдацтай хөгжиж байгаа болохоор тус тусын салбарын инженерийн хэрэгцээ их болох зүйн хэрэг. Хамгийн үсрэнгүй хурдаар хөгжиж байгаа салбар өнөөдөр яах аргагүй IT салбар. Санхүү, барилгаас эхлээд хүнд үйлдвэрлэл хүртэл бүх л салбарт IT технологи нэвтэрч, хувьсгал хийгээд байгаа болохоор энэ чиглэлийн мэргэжилтнүүдийн хэрэгцээ цаашид ч улам нэмэгдэнэ. Их Британид гэхэд л программистууд, компьютер тоглоом зохиогч мэргэжилтнүүд жилдээ 49 мянга 664 ам.долларын цалин авдаг. Шинэ Зеландын хамгийн их эрэлттэй байгаа мэргэжлийн дотор программ хангамж ба IT боловсруулагч салбарын есөн төрлийг заасан байна. Австрийн хувьд ч энэ салбарын 15 нарийн мэргэжлийг эрэлттэй байна гэжээ.
Цахилгааны инженерүүд гэхэд Унгарын хамгийн эрэлттэй 10 мэргэжлийн нэг. Их Британид газрын тос ба шатдаг хийн үйлдвэр, цахилгаан эрчим хүчний үйлдвэрүүдэд цахилгааны инженерүүд их хэрэгтэй байгаа. Шинэхэн цахилгааны инженерийн цалин энд жилийн 36 мянга 850 ам.доллар.
Тэгвэл таваас дээш жил ажилласан өндөр мэргэшилтэй ерөнхий тогооч шаардлагатай байгаа тухай эдийн засаг нь хурдацтай хөгжиж байгаа тав зургаан ч улс мэдэгджээ. Цалингийн хувьд Шинэ Зеландад ахлах тогооч нар 22 мянга 330 ам.доллар хүрдэг.
Санхүүгийн хямралаас болж хүнд байдалд орсон Ирланд, Грек зэрэг оронд өндөр мэргэшсэн, туршлагатай нягтлан бодогч нар ихээхэн үгүйлэгддэг болжээ. Гурваас таван жил ажилласан нягтлан бодохууд Сингапурт жилдээ 48 мянга 757 ам.доллараас эхлээд 61 мянган ам.доллар хүртэл цалин авдаг.
Тэгэхээр мэргэжлийн төвшин, хэлний боловсролоо тасралтгүй ахиулахад ямагт анхаардаг цаг үетэйгээ хөл нийлүүлэн явдаг хүмүүс дэлхийн маш олон орон, түүний дотор өндөр хөгжилтэй, хурдацтай өсч яваа эдийн засагтай аль ч улсад чамлахааргүй цалин аваад ажиллалаад байх боломж байна.
Эх сурвалж: www.assa.mn
