АХМАД НАСТНУУДЫГ ХАЛАМЖИЙН ӨДРИЙН ҮЙЛЧИЛГЭЭНД ХАМРУУЛЖ БАЙНА
Өдрийн үйлчилгээнд өрхийн амьжиргааны түвшин доогуур, үр хүүхэдтэй боловч ганц биеэр амьдардаг ахмадуудыг хамруулсан. Ахмад настныг чийрэгжүүлэх, IQ-г сайжруулах, эрүүл мэндийн үзлэгт хамруулж зөвлөгөө өгөх, шинэ содон мэдээ мэдээллээр хангах, дуу, шүлгээр уралдуулах, тоглоом тоглуулах зэргээр өдрийн үйлчилгээнд хамруулж байна.
Мөн аймгийн Засаг даргын үйл ажиллагааны хөтөлбөрийн хүрээнд харах асрах хүнгүй ахмадыг гэрийн асрамж, эрүүл мэндийн үйлчилгээ, өдрийн үйлчилгээнд хамруулах "Өөдрөг сэтгэлтэй сайхан амьдарцгаая” төслийг хэрэгжүүлж байна.
Гэрийн асрамж үйлчилгээний хүрээнд ахмадуудын гэрт цэвэрлэгээ хийх, сувилах бариа засал, эмчийн үзлэг хийж байна.
