Ираны зорчигч тээврийн нисэх онгоц сүйрчээ

142

 

 Ираны зорчигч тээврийн нисэх онгоц сүйрчээ

Синьхуа агентлагийн мэдээ: 18-нд, Ираны мэдээллийн телевиз тус улсын  албаны нотлон нийтэлсэн мэдээллээс эш татан мэдээлэхдээ: Мөн өдөр 66 хүн ачсан  Ираны зорчигч тээврийн нисэх онгоц нийслэл Тегеранаас баруун өмнө зүгт байрлах  Ясуж хот руу нисэх замдаа Семиром хотод унаж сүйрсэн байна. Ираны иргэний  нисэхийн байгууллага 66 хүн амиа алдсан хэмээн нотолжээ. 

Иран дахь Хятадын элчин сайдын яамнаас Хятадын иргэн байсан эсэх нь  тодорхойгүй байна гэж Синьхуа агентлагийн сурвалжлагчид хэлсэн  юм.

Ираны зорчигч тээврийн нисэх онгоц сүйрчээ

Осолдсон онгоц нь Ираны Асман агаарын тээврийн компанид  харьяалагдах бөгөөд энэ нь ATR-72 загварын зорчигч тээврийн нисэх онгоц юм.  Онгоцонд 60 зорчигч, нисэх багийн 6 ажилтан, нийт 66 хүн байжээ.  

Ираны эмнэлгийн яаралтай авран туслах төвийн албаны хүн хэлэхдээ:  Онгоцны унаж сүйрсэн Семиром хот нь Ираны төв хэсгийн Исфахан мужид  харьяалагддаг, Ясуж хотоос 185 км зайтай байдаг гэжээ.
 

Ираны төв  телевизийн мэдээлснээр, авран туслах хүмүүс ослын газар луу  очиж байгаа юм байна. Гэхдээ, осол гарсан газар нь уулархаг, цаг агаарын нөхцөл  тааруу учраас авран туслах ажилд бэрхшээл тулгарч байна  гэжээ.

Далайнтуяа 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.