Рианна хуримын гэрч болжээ
Өнгөрөгч амралтын өдрүүдэд нэрт дуучин Рианна төрөлх Барбадос улсад амьдардаг хамгийн сайн найз Сонитагийнхаа хуримын ёслолд оролцжээ. Тэд хамтдаа The Combermere School сургуульд суралцаж байсан юм. Хуримын ёслолд Рианна сүйт бүсгүйн найзын хувиар очсон байна. Сүйт бүсгүйн найз хүүхнүүд хөх өнгийн даашинз өмсөн хуримын гэрч болжээ. Рианна сүйт бүсгүйтэй авахуулсан өөрөг зургаа цахим сүлжээнд байршуулсан аж. Ийнхүү Рианна их ажлынхаа хажуугаар жаахан ч болов амсхийн сайн найзынхаа хуриманд очжээ. Дуучин бүсгүй хуриманд Куба арлаас нисэж ирсэн байна. Кубад Рианна Guava Island кинонд тоглож байгаа билээ.
