Ч.Махбалыг "Манлай уяач" цолоор, Мэргэжлийн кик боксчин Ө.Гантөмөрийг Хөдөлмөрийн гавьяаны улаан тугийн одонгоор шагнах болов
Монгол Улсын Ерөнхийлөгчийн зарлигаар эрхэлсэн ажилдаа идэвх санаачлагатай, бусдыгаа манлайлан тэргүүлсэн хүмүүст төрийн дээд одон медаль гардуулж буй. Мөн түүнчлэн Монгол Улсын нэрийг дэлхийн тавцанд гаргасан спортын тамирчдад төрийн дээд одон медалаар шагнахаар болов.
Монголын Тулааны Шилдэг Тамирчдын Холбоог үүсгэн байгуулагч, MGL-1 Fighting Championship тэмцээнийг санаачлагчид зүтгэлээ төрдөө үнэлүүлж Удирдах зөвлөлийн гишүүн Чинбатын Махбалыг Монгол улсын "Манлай уяач” цол олгохоор боллоо. Түүнчлэн Монголын мэргэжлийн кик боксын анхны тамирчин, Боксын Спортын мастер, Бие хамгаалах Урлаг, Таеквондогийн Олон Улсын хэмжээний мастер, мэргэшсэн мастер Мэргэжилийн кик боксын МАХ К-1 грапп при шагналт, Киокушин каратэгийн Америкийн Нэгдсэн Улсын баруун бүсийн 2 удаагийн аварга бүсний эзэн, Таеквондогийн Ази Тивийн аварга, Дэлхийн аваргын хошой мөнгөн медальт, Эрэгтэйчүүдийн тулааны Анхны Дэлхийн аварга MGL-1 Fighting championship холбооны гүйцэтгэх захирал Өлзийхутгийн Гантөмөрийг "Хөдөлмөрийн гавьяаны улаан тугийн одонгоор тус тус шагнах болов.
