2035 он гэхэд дэлхийн хүн амын талаас илүү хувь нь таргалалттай, илүүдэл жинтэй болно
"Дэлхийн улс орнуудын засгийн газар, бодлого боловсруулагчид эрүүл мэнд, нийгэм, эдийн засгийн зардлыг залуу хойч үедээ шилжүүлэхээс зайлсхийхийн тулд чадах бүхнээ хийх хэрэгтэй" гэжээ. Дэлхийн хэмжээнд таргалалт хамгийн их нэмэгдэх төлөвтэй байгаа 10 орны ес нь Африк, Азийн бага эсвэл дундаас доош орлоготой улсууд аж. Судалгааны үр дүнд дэлхий даяар таргалалтын түвшин нэмэгдэх нь дэлхийн эдийн засагт чухал нөлөө үзүүлж, дэлхийн дотоодын нийт бүтээгдэхүүний гурван хувьтай тэнцэх болно гэж тооцоолжээ. Уг тайланд нийтлэгдсэн мэдээллийг ирэх даваа гарагт НҮБ-д танилцуулах аж. Таргалалт гэдэг нь биеийн өөхний илүүдэлтэй хүнийг тодорхойлох анагаах ухааны нэр томъёо юм. Тайлан нь биеийн жингийн индексийг (BMI) ашиглан дүгнэлтээ хийдэг. BMI-ийг насанд хүрсэн хүний биеийн жинг өндрийн квадратад хуваах замаар тооцдог.
