Шүүхийн үйлчилгээний угтах хэсэгт "Иргэд өөртөө үйлчлэх" хэсгийг нээлээ
Сонгинохайрхан дүүргийн Иргэний хэргийн анхан шатны шүүхийн Тамгын газар нь шүүхийн нээлттэй байдлыг хангах, иргэн төвтэй шүүх болох зорилтын хүрээнд тус шүүхийн байрны угтах хэсэгт шүүхийн үйлчилгээг сайжруулан “Иргэд өөртөө үйлчлэх хэсэг” буюу нэхэмжлэл хүсэлтийн загвар, эвлэрүүлэн зуучлалын өргөдлийн загвар болон QR кодыг уншуулан хэргийн оролцогчдын эрх үүрэг таниулах гарын авлагыг хэвлэн авах боломжийг бүрдүүлэн ажиллаж байна.
Угтах хэсэгт иргэдэд үйлчилгээ үзүүлэх боломжийг бий болгосноор чирэгдэлгүй, нээлттэй, түргэн шуурхай үйлчилгээг үзүүлэх, давуу талтай юм.
