Нийслэлийн ломбардад 480 тэрбум төгрөг эргэлддэг
Монгол Улсын хэмжээнд 1100 гаруй ломбард үйл ажиллагаа явуулж
байгаагаас нийслэлийн 553 ломбардад жилдээ 480 орчим тэрбум төгрөг
эргэддэг гэсэн судалгааг өнөөдөр МУИС-сийн дугуй танхимд болсон
"Тогтвортой эдийн засаг, бодлого шийдэл" сэдэвт эрдэм шинжилгээний
хурлын үеэр хэллээ.Дээрх эрдэм шинжилгээний онол парктикийн бага хурлыг "Жасрай сан”-гаас
МУИС, Нийгмийн ардчилал Монголын залуучуудын холбоо, Оюутан энтрепренёр
клубтэй хамтран зохион байгуулав. Бага хуралд "Чингис бондын зарцуулалт,
түүний эдийн засагт үзүүлэх нөлөө” /Илтгэгч З.Азжаргал/, "Хөдөлмөрийн
зах зээл дээрх ажилгүйдлийн энгийн загварын эмпирик шинжилгээ” /Илтгэгч
Б.Аръяасүрэн, Г.Лхагвадорж, Э.Эрхэмхүслэн/, "Тогтвортой эдийн засгийн
бодлого шийдэл: Байгалийн нөөцийн түрээсийн орлого болон улс төрийн
хяналт” /илтгэгч Д.Бат-Очир, Н.Наранцацралт/ зэрэг асуудал хөндсөн,
судалгаанд суурилсан 15 илтгэлийг тавьсан юм.
