Хятадын компанид ажилладаг монгол залуу хүнд даацын машинд дайруулж амиа алджээ
Дорнод аймгийн нутаг дэвсгэрт үйл ажиллагаа явуулдаг нэгэн уурхайд хүний амь эрсэдсэн харамсалтай хэрэг гарчээ. Тодруулбал, өнгөрсөн аравдугаар сарын 30-ны өдөр тус аймгийн Дашбалбар сумын гуравдугаар багт үйл ажиллагаа явуулдаг "Шинь шинь” компанийн далд уурхайд О гэх залуу /25 настай/ "Jiefang” маркийн хүнд даацын тээврийн хэрэгсэлд дарагдаж амиа алджээ.
Тэрээр "Шинь шинь” компанийн ажилтан бөгөөд Дашбалбар сумын иргэн юм байна."Шинь шинь” компани нь холимог металийн Улааны орд газрын ашигладаг БНХАУ-ын хөрөнгө оруулалттай компани ажээ.
Эх сурвалжийн мэдээлснээр тус компани химийн хорт бодистой ус байгальд хаясан гэх иргэдийн гомдлын дагуу хуулийн байгууллагад шалгагдаж байсан аж.
Eagle.mn
