Хоёр Солонгосын удирдагчдын хэлэлцээний хоёр дахь шат эхэллээ
БНАСАУ-ын удирдагч Ким Жөн Ун, Өмнөд Солонгосын Ерөнхийлөгч Мүн Жэ Ин нарын өндөр дээд хэмжээнд хийж буй шууд хэлэлцээний хоёр дахь шат эхэллээ. Энэ тухай Умардад болж буй үйл явдлыг шууд дамжуулж байгаа Өмнөд Солонгосын нийслэл Сөүл хот дахь дээд хэмжээний уулзалтын хэвлэлийн төвөөс мэдээлсэн байна. Хэлэлцээг өндөр дээд түвшний зочдод зориулсан төрийн ордон болох"Пэкхвавон"-д хийж байгаа аж. Уг ордонд Мүн Жэ Ин айлчлалынхаа хугацаанд байрлаж байгаа юм.
Өмнөд Солонгосын Ерөнхийлөгч Мүн Жэ Иний тамгын газраас урьд нь мэдээлснээр, дээд хэмжээний уулзалтын гол сэдэв нь БНАСАУ болон АНУ хоорондын яриа хэлцээг дахин эхлүүлэх боломжтой холбоотой Солонгосын хойгийг цөмийн зэвсгээс ангижруулах асуудал, мөн хоёр орны аюулгүй байдал, харилцааг хэвийн болгохасуудлуудбайх аж.
Ким Жөн Ун, Мүн Жэ Ин нарын хэлэлцээний эхний шат мягмар гарагт болсон бөгөөд хоёр цаг үргэлжилжээ. Уг хэлэлцээний үр дүн одоогоор тодорхойгүй байна.
