ИНЕГ-ЫН МЭРГЭЖИЛТНИЙ АМИЙГ ХӨНӨӨСӨН ХЭРЭГТ ДӨРВӨН ЗАЛУУГ ШАЛГАЖ БАЙНА

166

ИНЕГ-ЫН МЭРГЭЖИЛТНИЙ АМИЙГ ХӨНӨӨСӨН ХЭРЭГТ ДӨРВӨН ЗАЛУУГ ШАЛГАЖ БАЙНА

 

Сүхбаатар дүүргийн нэгдүгээр хороонд байрлах "Piver Sounds" гэх цэнгээний үүдэнд энэ сарын 18-ны өдөр хэсэг залуус зодолдож, нэгнийгээ хүнд гэмтээн аминд нь хүрсэн харамсалтай хэрэг гарсан.

Тодруулбал, ИНЕГ-ын худалдан авах ажиллагааны хэлтсийн ахлах мэргэжилтэн Х, мэргэжилтэн Б нар архи согтууруулах ундааны зүйл хэрэглэсэн үедээ дөрвөн залуутай маргалдаж, зодолджээ. Зодооны улмаас ахлах мэргэжилтэн Х нь биедээ хүнд гэмтэл авч ГССҮТ-д хүргэгдсэн ч ухаан оролгүй байсаар энэ сарын 22-нд нас барсан байна.

Зодооны хэрэгт холбогдсон  Мөнхбаяр, Бадамжав нарын дөрвөн залууг саатуулан шалгаж байгаа бөгөөд нэг нь хилээр гарах гэж байгаад баригджээ.  

Тухайн үед хамт байсан мэргэжилтэн Б нь хэргийн талаар цагдаагийн байгууллагад мэдэгдэж, өргөдөл гаргасан бөгөөд одоогоор хохирогчоор тайлбар мэдүүлэг өгч байгаа юм байна.
 
О.Гэрэл

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.