ТӨВ ТАЛБАЙД БАЙРЛАХ СҮЛД МОДНЫ ГЭРЭЛ АСААХ ЁСЛОЛ БОЛОВ

141
 
 ТӨВ ТАЛБАЙД БАЙРЛАХ СҮЛД МОДНЫ ГЭРЭЛ АСААХ ЁСЛОЛ БОЛОВ
Улаанбаатар /МОНЦАМЭ/. Сүхбаатарын талбайд байрлах Сүлд модны гэрэл асаах ёслол өнөөдөр 19.20 цагт боллоо.

Сүлд модны гэрэл асаах ёслолд НИТХ-ын дарга С.Амарсайхан, Нийслэлийн Засаг дарга С.Батболд, нийслэлийн хүндэт иргэд, төр захиргааны байгууллагын төлөөлөл оролцов.



Энэ үеэр Нийслэлийн Засаг дарга С.Батболд, "Нийслэлийн иргэдийн хөдөлмөрийн үр дүнд нийслэлийн өнгө төрх өдрөөс өдөрт өөдлөн дээшилж байна. Хоггүй, түгжрэлгүй Улаанбаатарын төлөө төр засаг, түмэн олноороо хамтран зүтгэж байгаа билээ. Үүрийн таван жингээс эхлээд үдшийн бүрий хүртэл ажилладаг тохижилт үйлчилгээний ажилтнууд, барилга, эрчим хүч, бизнесийн салбарынхан, цэрэг, цагдаа, онцгой байдлын алба хаагчид, нийслэлийн иргэддээ гүн талархал илэрхийлж байна” гэлээ.



Ёслолын үеэр Өвлийн өвгөн цасан охид, үлгэрийн баатруудын хамт хүрэлцэн ирж урлагийн тоглолт, циркийн үзүүлбэр толилуулж, галын наадам хийв.
Төв талбайд байрлах  22 метр өндөр сүлд модыг "Гэрэлтүүлэг чимэглэл” компани зассан байна.

Ч.Ариунболд
Гэрэл зургийг Т.Чимгээ

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.