Дэлхий дээр насанд хүрсэн зарим хүнээс ч илүү баян хүүхдүүд байдаг. Зарим нь өөрсдийнхөө хүч хөдөлмөрөөр ийм баялагт хүрсэн байхад зарим нь алдартай эцэг эхийнхээ буянаар баяжсан байдаг.

Рид, Ив, Эрин Жобс /$20 сая/

 

 

 

Стив Жобсыг нас барсны дараа 25 сая долларын хөрөнгийг нь эхнэр Лорен Пауэлл нь өвлөн авсан байдаг. Гэхдээ Жобс хүүхдүүд болгондоо итгэлийн сан гээчийг урьдчилаад байгуулсан ажээ. Ингээл "Apple-ийн эзэнт гүрний хүүхдүүд”-ийн нийт хөрөнгө 20 орчим сая доллар болсон байна.

Ник Д’Алойсио 22 настай /$30 сая/

 

 

 

Их Британийн компьютерийн программист хүү 15 насандаа интернэт бизнес эрхлэгч болжээ. Технологийн залуу суутан хүү iOS-т зориулагдсан цэс болох Summly-г бүтээснээрээ алдартай бөгөөд хожим нь түүнийгээ Yahoo-д 30 сая доллараар зарсан ажээ. Wall Street Journal сэтгүүлээс зарласан "Оны шилдэг шинийг санаачлагч” шагналыг хүртэж, 2014 онд Apple Design Award шагналыг авсан байна. Тэрээр Оксфордын их сургуульд мэдээлэл зүй, гүн ухааныг зэрэг судалж, дэлхийн хамгийн залуу саятны тоонд багтсан байна.

Гейтсийн хүүхдүүд /$150 сая/

 

 

 

Билл, Мелинда Гейтс нар хоёр охин, нэг хүүтэй. Биллийн нийт хөрөнгө 85 тэрбум доллар бол Мелиндагийнх 51 тэрбум доллар. Гэхдээ тэд орлогынхоо ихэнх хэсгийг сайн үйлсэд зарцуулдаг байна. Түүнчлэн Гейтс хүүхэд болгондоо 50 сая долларын итгэлийн сайн байгуулжээ. Энэ мөнгийг тэд 21 нас хүрээд ашиглах эрхтэй болно. Үүнээс гадна аавынх нь орлого жил бүр өсөж байгаа болохоор асар их баялгийг өв залгамжлагчид болно.

Жейден Смит 19 настай /$9 сая/

 

 

 

Жүжигчин Уилл Смит болон түүний гэргий Жада Пинкетт-Смитийн хүү, Америкийн жүжигчин, рэп дуучин Жейден Кристофер Сайер Смит нь "Аз жаргалын эрэлд” киноноос карьераа эхлүүлсэн түүхтэй. Одоогоор түүний хувийн хөрөнгө 9 сая гаруй доллараар хэмжигдэж байна. Жейден гэр бүлийнхэнтэйгээ адил орлогынхоо нэлээд хувийг буяны үйлсэд зарцуулдаг.

Жордан Кейси 17 настай

 

 

 

Ирланд хүү Жорданы 13 настай үеийн танилцуулгад TED алдарт бага хуралд үг хэлсэн, iTunes-т нэлээд хэдэн тоглоом зохиосон зэрэг багтжээ. 10 насандаа програм зохиож сурсан тэрээр шаргуу хөдөлмөрийнхөө үр дүнд хэдхэн жилийн дотор дэлхийн хамгийн залуу өөрөө сурсан програмист, Европын iOS-ын боловсруулагч болжээ. Түүний нийт хөрөнгө хэдээр үнэлэгддэг нь тодорхойгүй байна.

Дэннилин Хоуп Биркхед-Маршалл 11 настай /$10 сая/

 

 

 

Америкийн модель, интернэтийн дуулиан, реалити шоуны од юм. Модель, жүжигчин агсан Анна Николь Смитийн охин тэрээр хэдхэн сартай байхдаа ах, ээж хоёрыгоо алдсан билээ. Харин түүнийг эмээ, өвөө нь халамжиндаа авахаар тэмцсэн ч аав нь өсгөж, Дэннилин ээжийнхээ замналаар Kids Guess хүүхдийн хувцасны компанид моделийн ажилд оржээ. Түүний хөрөнгө 10 сая доллар.

Сури Круз 11 настай /$275 сая/

 

 

 

Том Круз, түүний салсан эхнэр Кейти Холмс нарын охин Сури багаасаа л тансаг амьдралд умбаж өссөн. Зөвхөн хувцас нь л гэхэд 3 сая долларын үнэтэй бөгөөд Chloe, Burberry, Dolce&Gabbana зэрэг брэндийнх. Энэ охин 275 сая долларын хөрөнгийн өв залгамжлагч. Дээрээс нь өөрөө модель, жүжигчний карьераа эхэлж байгаа ажээ.

Нокс ба Вивьен Жоли-Питт 9 настай /$67,5 сая/

 

 

 

Холливудын хамгйин өндөр орлоготой хос болох Анжелина Жоли, Брэд Питт нарын ихрүүд. Тэднийг 2008 онд Ниццед төрөхөд анхны зургийг нь 14 сая доллараар үнэлж, алдартнуудын хамгийн үнэтэй гэрэл зураг болсон байна.

Валентина Палома Пино 7 настай /$37 сая/

 

 

 

Валентина маш баян гэр бүлд төрсөн. Түүний эцэг Франсуа-Анри Пино загварын ордны эзэн бол ээж нь жүжигчин Сальма Хайек. Охин тансаг амралтын газарт амарч, од ээжтэйгээ улаан хивсэн дээгүүр алхаж дасчээ. Аав нь 15 саяын хөрөнгөтэй бол ээж нь 88 сая долларын хөрөнгөтэй. Валентина өөрөө мөнгө олж үзээгүй ч түүний нэр дээр 12 сая гаруй долларын байшин байдгаас гадна 25 сая долларын итгэлцлийн сан бий.

Жорж ханхүү 4 настай /$1 тэрбум/

 

 

 

Кембрижийн Жорж ханхүү бол ханхүү Уильям, түүний гэргий Кембрижийн гүнгийн ахайтан нарын цорын ганц хүү. Тэр дэлхийн хамгийн баян хүүхэд төдийгүй хамгийн бага настай баянд ордог.