Газрын тос тээвэрлэж явсан хөлөг онгоцонд гал гарч нэг хүн амиа алджээ
БЭЭЖИН. /Sputnik/. Мягмар гарагт БНХАУ-ын Гуандун мужаас Хонконгийн Лама арал руу газрын тос тээвэрлэж явсан хөлөг онгоцонд гал гарсны улмаас нэг хүн амиа алдаж, хөлгийн багийн гурван гишүүн одоог хүртэл сураггүй байгаа талаар “South China Morning Post” сонин мэдээлжээ.
Осол болох үед хөлөг онгоцны тавцан дээр 25 хүн байсан бөгөөд орон нутгийн цагаар 11 цаг 30 минутын орчимд гал гарсан байна.
“Урьдчилсан дүгнэлтээс үзэхэд дэлбэрэлт болох үед хөлөг онгоцноос хэдэн хүн ус руу унасан” гэж ослын газар ажиллаж байгаа цагдаагийн төлөөлөгч мэдээлжээ.
Тус бүс рүү аврах ажиллагаа явуулахаар Засгийн газрын нисдэг тэрэг болон гал унтраах жижиг хөлөг онгоцнууд хөдөлсөн бөгөөд аврах багийнхан хөлгийн багийн 23 хүнийг аварсан ч үлдсэн гурван хүн одоог болтол олдоогүй байгаа аж.
