“САУД ГОБИ КОЭЛ ТРАНС” ХХК-НЫ ҮЙЛ АЖИЛЛАГААГ ТОДОРХОЙГҮЙ ХУГАЦААГААР ЗОГСООЛОО
Гэвч Тост тосон бумбын нурууны тус талбайг улсын тусгай хамгаалалтад авахдаа уг компаний лицензийг хүчинтэй үлдээсэн. Энэ нь байгальд маш олон төрлийн сөрөг нөлөөтэй бөгөөд УИХ-ын гишүүн Н.Амарзаяагаар ахлуулсан ажлын хэсэг энэ сарын 9, 10-ны өдрүүдэд Тост тосон бумбын нурууны орчимд ажиллаж бодит байдалтай биечлэн танилцан Гурвантэс сумын ард иргэдтэй уулзалт хийлээ. Төр засгийн бодлого шийдвэрийн хүрээнд хийгдэж байгаа ажлуудын талаар холбогдох албаны хүмүүс мэдээлэл хийхийн зэрэгцээ Сауд гоби коэл транс ХХК-ны үйл ажиллагааг зогсоох тал дээр асуудлыг хэлэлцсэн юм. Мэргэжийн байгууллагууд Тост тосон бумбын нуруунд ажиллаж тус компаний үйл ажиллагаатай биечлэн танилцаж, байгаль орчинд нөлөөлөх нарийвчилсан үнэлгээг хийгээгүй байгаа нь холбогдох хууль журмыг зөрчсөн тул "САУД ГОБИ КОЭЛ ТРАНС” ХХК-НЫ ҮЙЛ АЖИЛЛАГААГ ТОДОРХОЙГҮЙ ХУГАЦААГААР ЗОГСООХ ШИЙДВЭРИЙГ ГАРГАЛАА.
Тусгай зөвшөөрөл 2015 онд олгогдсон бөгөөд үүнийг цуцлах, ард иргэдийнхээ санал бодолд тулгуурлан нутаг усаа хамгаалж та бүхний төлөө ажиллана гэдгээ УИХ-ын гишүүн Н.Амарзаяа, аймгийн Засаг дарга Н.Наранбаатар нар хариуцлагатайгаар мэдэгдлээ.
