Хүүхдэд ээлтэй ‘’Баянзүрх’’

783

 

Хүүхдэд ээлтэй ‘’Баянзүрх’’Нийслэлийн Баянзүрх дүүрэгт ‘’Хүүхдэд ээлтэй орон нутаг-Хүүхдэд ээлтэй дүүрэг’’ хөтөлбөр амжилттай хэрэгжиж эхэллээ. НҮБ-ын Хүүхдийн Сангаас хэрэгжүүлж буй уг хөтөлбөр нь 5 жилийн хугацаанд үргэлжлэх бөгөөд боловсролын үйлчилгээг хүүхэд бүрд олгох, чанартай сургалтын орчинг бий болгох, эмзэг бүлгийн хүүхдүүдийн эрүүл ахуйн үйлчилгээний хүртээмжийг дээшлүүлэх зэрэг зорилготой билээ.

Тэгвэл өнөөдөр ‘’Хүүхдэд ээлтэй дүүрэг’’ зорилтын хүрээнд 2017-2018 онд Баянзүрх дүүрэгт хэрэгжих үйл ажиллагааны үндсэн төлөвлөгөөнд дүүргийн Засаг дарга Т.Баясах болон НҮБ-ын Хүүхдийн Сангийн суурийн төлөөлөгч Алекс Хайкенс нар гарын үсэг зурлаа. Энэхүү арга хэмжээнд Баянзүрх дүүргийн Засаг даргын Тамгын газрын дарга Б.Амартүвшин, Нийгмийн хөгжлийн хэлтсийн дарга С.Сувд-Эрдэнэ, НҮБ-ын Хүүхдийн сангийн мэргэжилтэн Б.Тунгалаг болон албаны бусад хүмүүс оролцсон юм.

Дашрамд мэдээлэхэд Улаанбаатар хотын 10 хүүхэд тутмын 1 нь Баянзүрх дүүрэгт амьдардаг. Дүүргийн хэмжээнд Сургуулийн өмнөх боловсролд нийт хүүхдийн 74,4 хувь нь хамрагдсан бол Ерөнхий боловсролын сургуульд 99,8 хувьтай хамрагдаад байгаа юм. Тиймээс Баянзүрх дүүргийн удирдлагууд хөтөлбөрийг амжилттай хэрэгжүүлж сургууль, цэцэрлэгийн хүртээмжийг нэмэгдүүлж, сургалтын орчинг сайжруулж, хүүхдийн эрхийг хамгаалах тал дээр хэрэгжүүлж буй бодлогоо үргэлжлүүлж, хүүхдэд улам ээлтэй дүүрэг болохоо илэрхийллээ хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.


Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>