Рио Тинто групп Канад дахь төмрийн хүдрийн төсөлдөө IPO хийнэ

138

Рио Тинто групп Канад дахь төмрийн хүдрийн төсөлдөө IPO хийнэ

Австралийн “Рио Тинто” групп нь Канад дахь салбар төмрийн хүдрийн “Iron Ore Company of Canada” (IOC) компанийн IPO-ийг хийхээр бэлтгэж байна. Энэ ажилд олон улсын хөрөнгө оруулалтын “Royal Bank of Canada”, “Credit Suisse” болон “JPMorgan Chase” банкуудтай хамтран ажиллаж байгаа юм. 

“IOC” компани нь Канадын Лабрадор муж дахь уурхайгаас жилд 23 сая тонн сайн чанарын төмрийн хүдэр олборлодог. Эл уурхай нь Лабрабор-Сити боомттой 418 км төмөр замаар холбогддог.

Өнөөгийн байдлаар “Iron Ore Company of Canada” компанийн 58.7%-ийг “Рио Тинто” групп, 26.2%-ийг Японы “Мицубиши” корпораци, үлдсэн хувийг Labrador Iron Ore Royalty Corporation тус тус эзэмшиж байна. Томоохон хувьцаа эзэмшигч “Рио Тинто” группийн хувьд Канадын төслөө нийт 4 тэрбум ам.доллараар үнэлжээ. 

IOC нь өнгөрсөн онд 1.9 тэрбум ам.долларын орлоготой ажилласан байна. Тус групп 2012-2013 онд “Iron Ore Company of Canada” компанийн хувь эзэмшлээ худалдахыг оролдсон ч бүтэлгүйтэж байжээ.

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.