Коронавирустэй нэг иргэн нас барлаа
Манай улсад коронавирусийн улмаас хүн нас барсан тохиолдол бүртгэгдлээ. Энэ талаар Эрүүл мэндийн яамны Эмнэлгийн тусламжийн газрын дарга Я.Буянжаргал "Биеийн байдал нь маш хүнд, эмчлэгдэж байсан нэг иргэн нас барлаа. Талийгаач нь 73 настай, чихрийн шижин болон элэгний С вирустэй. Түүний дагалдах онош нь коронавируст халдвар байсан. Иргэнийг ХӨСҮТ рүү шилжүүлэн авч ирэх боломжгүй байсан" гэх тайлбарыг өглөө.