Японд газар хөдөлсний дараа үл мэдэгдэх нисдэг биет үзэгджээ
Өнгөрсөн даваа гарагт буюу энэ сарын 21-нд Японы зүүн эрэг Фүкүшима аймгийн нутагт 7,4 магнитудын хүчтэй газар хөдөлсөн билээ. Тэгвэл энэ үед тэнгэрт үл мэдэгдэх нисдэг биет үзэгдсэнийг 16 настай залуу дүрс бичлэгт буулгаж баримтжуулж авчээ.
Дүрс бичлэг дээр тэрхүү үл мэдэгдэх нисдэг биет хойноо ул мөр үлдээн явж байгаагаарбуусан байна. Интернэт хэрэглэгчдийн зарим нь үүнийг зүгээр л солир унасан гэсэн бол зарим нь харь гаригийн хөлөг, үүнээс болж ч газар хөдөлсөн байж магадгүй гэж үзэв.
Японы зүүн эргийн Фүкүшима аймгийн нутагт даваа гарагийн өглөөний 05:59 минутад газар 7,4 магнитудын хүчтэй хөдөлсөн. Тус улсын онцгой байдлын алба цунами үүсч магадгүй гэж анхааруулж байсан ч давалгааны өндөр нэг метрээс хэтрээгүйгээр оршин суугчдад болон "Фүкүшима-1” атомын цахилгаан станцад ч аюул учруулахаар хэмжээний хүчтэй байгаагүй аж.
