М.Энхболдын коммандаар АТГ-ын Д.Энхжаргал У.Хүрэлсүхтэй "ДАЙН" зарлалаа
Ингээд АТГ цочроо авсан мэт огцом хөдөлж эхлэв. Тэр УИХ-ын гишүүн Л.Оюун-Эрдэнийг 60 тэрбумын асуудлаар нээлттэй сонсгол явуулая гэснийх нь төлөө түүнийг буруутгаж байцаалт аваад бүр хариуцлага тооцуулахын тулд УИХ-ын төрийн байгуулалтын байнгын хороонд хандчихаад байна.
Мөн дөнгөж өчигдөрхөн Ерөнхий сайд У.Хүрэлсүхийн 7 жилийн өмнөх түүний туслахаар ажиллаж байсан одоо МИАТ-ын дэд захирлаар ажиллаж байгаа Н.Энхбаатарт авлигын хэрэг үүсгэн баривчилж сенсаци үүсгээд байна. Өмнө нь АТГ Н.Алтанхуягийн эргэн тойрондох хүмүүсийг ноолсоор байгаад засгийн газрыг нь огцруулж байсныг санаж байгаа байх. М.Энхболд Х.Энхжаргал нар Ц.Элбэгдоржтой нийлэн яг энэ технологио ашиглаж эхэллээ. Нэг ёсондоо 60 тэрбумчдын гар хөл болсон АТГ өөрсдийн гаршсан бохир технологио ашиглаж төр самарч түмэн олныг бужигнуулах ажлаа эхлүүлж байна. Энэ бүхний эцэст бас нэгэн энгийн залуу Н.Алтанхуягийн нягтлан бүсгүйн адил үр хүүхдээсээ бэтгэрч шүүхийн танхимд гүтгүүлэн зогсохнээ.
