ОХУ-ын нүүрс олборлолт нэмэгджээ
МОСКВА. /TASS/. 2018 онд ОХУ 420 сая гаруй тонн нүүрс олборлож, хуучин ЗХУ-ын үеийн дээд амжилтыг эвдэх боломжтой болж байна гэж тус улсын Эрчим хүчний сайд Александр Новак мэдэгдлээ."Энэ жил 420 сая тонноос илүү нүүрс олборлож, 1988 онд ЗХУ-ын үед тогтоосон дээд амжилтыг бид эвдэх төлөвтэй байна. Нүүрс угаах хэмжээ 28 хувиар өсч, 195 сая тоннд хүрэх төлөвтэй байгаа бөгөөд хөрөнгө оруулалт жилд 130 тэрбум рубль, татварын хөнгөлөлт 100 тэрбум рубльд хүрнэ" гэж тэрбээр мэдэгдсэн байна.
Мөн тэрбээр, ОХУ-ын нүүрс олборлолт 2012-2017 оны хооронд 15.5 хувиар буурч, 410 сая тоннд хүрээд байсан юм мэдэгдэв.
"2030 он хүртэлх хугацаанд олборлохоор төлөвлөсөн зорилтоо одоо бид биелүүлээд байна. 2014 оны шинэчилсэн хөтөлбөрийг авч үзвэл бид 3 жилээр түрүүлж байгаа бөгөөд энэхүү хөтөлбөр болон нийлүүлж буй нүүрсний чанар, экспортын хэмжээ, ашиглалтад оруулах байгууламжийн ажил зэрэгт шинэчлэл хийх шаардлагатай гэж тэрбээр мэдэгдсэн байна.
МОНЦАМЭ
