Хүүхдийн мөнгөн тэтгэмжид 130.7 тэрбум төгрөг олгожээ

841

Хүүхдийн мөнгөн тэтгэмжид 130.7 тэрбум төгрөг олгожээ

 

 
 Энэ оны эхний 8 сарын байдлаар Нийгмийн халамжийн сангаас 186.5 мянган хүн 95.8 тэрбум төгрөгийн тэтгэвэр, тэтгэмж аваад байгаа талаар Үндэсний статистикийн хорооноос мэдээллээ.

Үүнийг өмнөх оны мөн үетэй харьцуулвал нийгмийн халамжийн шугмаар тэтгэвэр, тэтгэмж авагч иргэдийн тоо 18 хувиар, олгосон тэтгэвэр, тэтгэмжийн хэмжээ 5 хувиар тус тус буурсан үзүүлэлттэй байна.  Тодруулбал, тэтгэвэр, тэтгэмж авагчид 40 мянгаар, олгосон мөнгөн дүн 4.9 тэрбум төгрөгөөр буурчээ. Нийгмийн даатгалын сангийн орлого, зарлага өссөн талаар Үндэсний статистикийн хорооноос мэдээлэхдээ, Нийгмийн даатгалын сангийн орлого энэ оны эхний 8 сарын байдлаар 1.5 их наяд төгрөг болж, өмнөх оны мөн үеийнхээс 150.4 тэрбум төгрөгөөр, зарлага 1.4 их наяд төгрөг болж өмнөх оны мөн үеэс 164 тэрбум төгрөгөөр тус тус өсөөд байна.

Нийгмийн даатгалын сангийн орлого өсөхөд Тэтгэврийн даатгалын сангийн орлого 139.5 тэрбум төгрөгөөр, үйлдвэрийн осол, мэргэжлээс шалтгаалах өвчний даатгалын сангийн орлого 36.8 тэрбум төгрөгөөр өссөн нь голлон нөлөөлжээ. Харин Нийгмийн даатгалын сангийн зарлага өсөхөд Тэтгэврийн даатгалын сангийн зарлага 121.9 тэрбум төгрөгөөр, Эрүүл мэндийн даатгалын сангийн зарлага 28.3 тэрбум төгрөгөөр өссөн нь голлон нөлөөлөөд байна.

Энэ оны эхний 8 сард 18 хүртэлх насны 897.6 мянган хүүхдэд 130.7 тэрбум төгрөгийн Хүүхдийн мөнгөн тэтгэмжийг олгоод байна.
 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>