ДЭМБ: Хүүхдүүд агаарын бохирдол дунд амьдарч байгааг сануулав

32

 

ДЭМБ: Хүүхдүүд агаарын бохирдол дунд амьдарч байгааг сануулав Дэлхийн эрүүл мэндийн байгууллага /ДЭМБ/-аас нийт хүүхдүүдийн 90-ээс илүү хувь нь өсөлт хөгжил, эрүүл мэндэд нь хорт нөлөө үзүүлдэг агаарын бохирдол дунд амьдарч байгаа талаар анхаарууллаа. ДЭМБ-ын хийсэн "Агаарын бохирдол, хүүхдийн эрүүл мэнд: Агаарыг цэвэрлэх нь” нэртэй судалгаагаар 2016 онд 600 мянга гаруй хүүхэд агаарын бохирдлын уршгаар амьсгалын замын өвчин тусч амиа алдсан байна. Ийм тохиолдол бага болон дундаж орлоготой орнуудад илүү бүртгэгдсэн бөгөөд агаарын бохирдол гэр болон гадаа ялгаагүй өндөр байжээ.

ДЭМБ-ын үзэж байгаагаар агаарын бохирдол хүүхдэд илүүтэйгээр сөрөг нөлөө үзүүлдэг бөгөөд үүний шалтгаан нь хүүхэд том хүнээс олон, ойр ойрхон амьсгалдаг учир бохирдлыг ихээр шингээдэг байна. Бас нэг шалтгаан нь хүүхэд жижиг биетэй, газарт ойр байдагтай холбоотой юм. Зарим төрлийн хорт бодис нягтаршил ихтэй байдаг тул хүнд байдаг аж. Түүнчлэн судалгаагаар жирэмсэн эмэгтэйчүүд агаарын бохирдолтой орчинд байснаар дутуу төрөх, өсөлт гүйцээгүй хүүхэд төрүүлэх эрсдэлтэй болж байгаа аж.

Мөн агаарын бохирдол хүүхдийн өсөлт хөгжилд сөргөөр нөлөөлөхөөс гадна астма, хорт хавдар тусах магадлал нэмэгддэг байна. Үүнд гэр доторх агаарын бохирдол хамаатай бөгөөд халаалт, гэрэл, хиншүү хярвас хүүхдийн биед сөргөөр нөлөөлдөг. Мөн агаарын бохирдол дунд амьдарч буй хүүхэд ужиг өвчтэй болох эрсдэл нэмэгддэг.


Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.