Гэрэл зурагчид хээрийн аялал хийж, ан амьтдад тэжээл тавьж өгчээ

502

Гэрэл зурагчид хээрийн аялал хийж, ан амьтдад тэжээл тавьж өгчээ

 

Баянхонгор /МОНЦАМЭ/. “Зэрлэг ан амьтан ажиглах аялал"-ыг аймгийн Байгаль орчин, аялал жуулчлалын газар, аймгийн ЗДТГ-ын Гадаад харилцаа, аялал жуулчлалын алба, Баянхонгор аймгийн гэрэл зурагчдын холбоо хамтран зохион явууллаа.

Хонгор нутгийн түүх соёл, байгалийн үзэсгэлэнт газар, ховор ан амьтан, ургамлыг мэдээллийн санд оруулах, бүтээл туурвилд ашиглах, орон нутгаа сурталчилан таниулах, ан амьтан, байгаль орчноо хамгаалах, зэрлэг амьтдын өвөлжилтийн байдалд тандан судалгаа хийх зорилгоор гэрэл зурагчин, сонирхогч зэрэг зургаан хүнтэй аяллын баг явжээ.

Аялагчид Баянхонгор аймгийн байгалийн үзэсгэлэнт газруудын нэг Бөөнцагаан нуур, байгалийн нөөц газруудын нэг Баянцагаан сумын Хар аргалант ууланд очиж ховор ан амьтан болох аргаль, янгир, ооч ёл шувуу, Говийн хаан хэмээх тэмээн сүргийн манлай орсон буур зэргийг гэрэл зургийн хальсанд буулгасан байна. Мөн Аргалант уулын ховор ан амьтан болох аргаль, янгируудад хужир, мараа тавьж биотехникийн арга хэмжээ авсан байна. 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>