Дүүргийн хэмжээнд ашиглалтын шаардлага хангаагүй 29 барилга байна
Сүүлийн жилүүдэд Улаанбаатар хотод газар хөдлөлтийн тохиолдол эрс нэмэгдэж байна. Үүнтэй холбогдуулан нийслэлийн Хот төлөвлөлт, ерөнхий төлөвлөгөөний газраас дүүргийн Засаг даргын Тамгын газар болон Онцгой байдлын хэлтэстэй хамтран гамшиг ослоос урьдчилан сэргийлэх, гамшгийн үед барилга байгууламжаас хэрхэн аюулгүй гарах зэрэг анхан шатны мэдэгдэхүүнийг өгөх зорилготой сургалтыг амжилттай зохион байгууллаа.
Сургалтад дүүргийн 1, 3, 6, 13, 16 дугаар хороонд байрлах ашиглалтын шаардлага хангахгүй байгаа найман орон сууцны нийт 60 иргэн хамрагдсан юм.
Тодруулбал иргэдийн амьдрах таатай орчин бүрдээгүй, эрүүл мэндэд сөрөг нөлөөтэй, газар хөдлөлтөд тэсвэргүй нь тогтоогдсон нийтийн орон сууц дүүргийн хэмжээнд нийт 10 хороонд байгаа юм. Тэдгээр 29 барилгын ашиглалтыг нийслэлийн ЗДТГ-аас хориглосон бөгөөд өнөөдрийн байдлаар эдгээр хуучин орон сууцанд нийт 705 өрх амьдарч байна.
Дашрамд, Хот, суурин газрыг дахин хөгжүүлэх тухай хуулийн дагуу ашиглалтын шаардлага хангахгүй нийтийн зориулалттай орон сууцны барилгыг буулган шинээр барих үйл ажиллагаа нь иргэдийн санал дээр тулгуурлан зохион байгуулагддаг бөгөөд сууц өмчлөгчдийн 80 хувь нь төслийг дэмжсэнээр хэрэгжих боломжтой аж.
Иймд тус сургалтыг 2019 оны 03 дугаар сарын 09-ны өдөр үлдсэн таван хорооны 21 хуучин орон сууцны нийт 431 иргэнд зохион байгуулахаар болсон байна.
Та бүхэн илүү дэлгэрэнгүй мэдээлэл авахыг хүсвэл 51-267357 дугаараас тодруулна уу.
