“Зуун жилийн ганцаардал” ном дэлгэцийн цуврал бүтээл болно

230

АТЛАНТА. /CNN/. Америкийн төлбөртэй дүрс бичлэгийн үйлчилгээ үзүүлдэг “Netflix” компани Колумбын зохиолч Габриель Гарсиа Маркесын дэлхийн сонгодог бүтээл болох “Зуун жилийн ганцаардал” номоор цуврал кино хийхээр ажиллаж байна. 

“Зохиолчийн гэр бүлийнхэн түүний романыг дэлгэцийн бүтээл болгохыг зөвшөөрсөн нь анхны тохиолдол болж байна” хэмээн “Netflix” компани мэдэгдсэн байна.

Анх 1967 онд Испани хэлээр хэвлэгдэн гарсан “Зуун жилийн ганцаардал” бүтээл нь Нобелийн шагналт зохиолч Габриель Гарсиа Маркесын хамгийн алдартай бүтээл юм.  

“Зуун жилийн ганцаардал” нь зохиолч М.Сервантесийн “Дон Кихот” роман бий болсноос хойшхи Испани хэлээр гарсан хамгийн агуу нээлт юм” хэмээн Нобелийн шагналт, Чилийн яруу найрагч Пабло Неруда нэгэнтээ хэлж байжээ. 

Колумбын ард түмний хайртай зохиолч Габриель Гарсиа Маркес 2014 онд 87 насандаа өөд  болсон юм. Түүнийг таалал төгсөх үед Колумбын Ерөнхийлөгч Хуан Мануэль Сантос улс орон даяар 3 хоногийн гашуудал зарлаж, төрийн далбааг бөхийлгөж байсан аж. 

Мontsame.gov.mn

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.