Украин өрөө дарахаар алтны нөөцөө худалдаж байна
Украин улс алт валютын нөөцөө 1,2 тэрбум доллараар багасгажээ. Ийм алхам хийх болсон нь улсын өрийг төлөхтэй холбоотой гэж Украины Үндэсний банкны тэргүүн Яков Смолий мэдэгдсэн байна.
Тавдугаар сард тус улсын алтны нөөц 20,5-аас 19,3 тэрбум доллар болж буурсан бөгөөд энэ сард хоёр тэрбум ам.долларын улсын өр төлөх ёстой байсан тул ийнхүү алтны нөөцөө бууруулжээ.
Он дуустал гадаад болон дотоод өр нийлсэн таван тэрбум ам.долларыг төлөх ёстой юм байна. Энэ асуудлыг Олон улсын валютын сангийн тусламжтайгаар төлнө гэж Украин улс тооцоолж байгаа гэнэ.
Энд дуулгахад, Украины нийт өр 79,8 долларт хүрчээ. Нэгэнт ийм асар их өртэй болсон тул гадаад өрийн дефолт зарлах хэрэгтэй гэж Украины бизнесмен Игорь Коломойский шинэ ерөнхийлөгч Владимир Зеленскийд хандан уриалж байв. Харин энэ уриалгад Зеленский татгалзсан хариу өгсөн юм.
Мөн үүнээс өмнө, Украины эдийн засгийн сайд асан Виктор Суслов эрх баригчдын эдийн засгийн бодлого улс орныг сүйрүүлнэ хэмээн мэдэгдэж байлаа. Түүний үзэж байгаагаар Украин дефолт зарлавал үндэсний валютын ханш эрс унаж, хэрэглээний үнэ өсөн, ядуу иргэд улам тарчиг болох эрсдэлтэй аж.
Г.Бямбасүрэн
