Зэсийн үнэ бууж, доод цэгт хүрэв

309

Зэсийн үнэ бууж, доод цэгт хүрэв

 

Лхагва гарагийн өглөө /2022.07.06/ дэлхийн зах зээл дээрх зэсийн үнэ унаж, 2020 оны арваннэгдүгээр сараас хойш анх удаа доод цэгт хүрчээ. Энэ нь ам.долларын ханш өсөж, Хятад дахь коронавирусний цар тахалтай холбоотой хязгаарлалтууд эрэлтэд нөлөөлнө гэсэн болгоомжлолтой холбоотой гэж шинжээчид үзэж байна.

Өнөөдөр өглөөний байдлаар, "Comex” бирж дээр есдүгээр сарын зэсийн фючерс үнэ 1.9 хувиар унаж, нэг фунт /0.45 кг орчим/ нь 3363 ам.доллар болжээ. Үүнээс өмнөх арилжаагаар зэсийн фючерс үнэ 3347 ам.долларт болж унасан нь 2020 оны арваннэгдүгээр сарын 26-наас хойших хугацаанд бүртгэгдэж буй хамгийн доод үзүүлэлт.

Лондонгийн металлын бирж дээр гурван сарын дараа нийлүүлэх нэг тонн зэсийн үнэ 4.2 хувиар буурч, 7670 ам.доллар болсон байна. Хөнгөн цагааны үнэ мөн 2.92 хувиар буурч, 2392 ам.доллар болжээ.

Мягмар гарагт ам.долларын ханш өссөнөөр түүхий эдийн үнэд нөлөөлсөн байна. Зэсийн томоохон хэрэглэгч болох Хятадад ковидын нөхцөл байдал дэлхийн зах зээлийн анхаарлын төвд байсаар байна. Халдвар шинээр дэгдэхэд хөл хорио тогтоох эрсдэл бий болж, улмаар энэ нь Хятадын эдийн засаг, эрэлтэд нөлөөлж байгаа юм.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>