100 айл орчмын хөрсний бохирдол дээд цэгтээ хүрчээ

233

100 айл орчмын хөрсний бохирдол  дээд цэгтээ хүрчээ

100 айл орчмын барилгын матералыг нүүлгэнэ хэмээн удаан хугацаанд яригдаж эсэргүүцэлтэй тулгараад болисон билээ. Тэгвэл энэ засгийн газар ч мөн нүүлгэхээр ажлын хэсэг байгуулан ажиллаж байгаа ажээ. Нийслэлийн төв талбайгаас нэг км хүрэхгүй зайд барилгын үйлдвэрлэлийн үйлчилгээ явуулж, төрөл бүрийн химийн бодис ашиглаж байгаа нь нийслэл хотын иргэдийн эрүүл мэндэд нөлөөлж эхлээд байна.

100 айл орчмын хөрсний бохирдол дээд цэгтээ хүрчээ. 2016 онд 153 сурагчид хийсэн цусны шинжилгээгээр 60,1 хувьд нь хар тугалга илэрсэн. Энэ нь ДЭМБ-аас зөвшөөрсөн хэмжээнээс 5 мкг/дл өндөр үзүүлэлт. Нэг ёсондоо хөрсөнд шингэсэн хар тугалгын хэмжээ дээд цэгтээ хүрчихээд байгаа аж.

Хөрсний бохирдлыг арилгахын тулд бохирдолтой хөрсийг нь хусаж аваад эрүүл хөрс дэвсэх механик арга байгаа гэж тус хэсэгт байгуулагдсан ажлын хэсгийнхан үзэж байна. Байгалиар нь сэргээнэ гэвэл их олон зуун жил шаардагдах аж.

Тус төвийг дараах гурван үе шаттайгаар нүүлгэхээр төлөвлөж байгаа юм.

Нэгдүгээрт; 100 айл орчим гадуур худалдаа эрхэлж байгаа зөвшөөрөлгүй мод, чулууны мужааны цех, тавилгын үйлдвэрүүдийг хаах замаар,

Хоёрдугаарт; авто болон явган хүний замыг өргөжүүлэх замаар

Гуравдугаарт; 2018-2020 оны хооронд Мэргэжлийн хяналт, Онцгой, Барилга байгууламжийн хяналтын хэлтсээс гарсан дүгнэлтийн дагуу шаардлага хангахгүй хуучин барилгуудыг нурааж, нийслэлийн ерөнхий төлөвлөгөөний дагуу барилгажуулна.

А. ДҮҮРЭНЖАРГАЛ

FACT.MN

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.